PM Modi : ఇస్రో కేంద్రానికి చేరుకున్న మోదీ..

బెంగళూరు : పీణ్యాలోని ఇస్రో కేంద్రానికి ప్రధాన మంత్రి నరేంద్ర మోదీ చేరుకున్నారు. నేడు ఆయన దక్షిణాఫ్రికా నుంచి నేరుగా బెంగుళూరుకు వచ్చారు. బెంగుళూరు ఎయిర్‌పోర్టులో మోదీకి కర్ణాటక సీఎస్‌, ఇతర ఉన్నతాధికారులు స్వాగతం పలికారు. HAL నుంచి రోడ్డు మార్గంలో ఇస్రోకు మోదీ చేరుకున్నారు. అయితే మోదీ ప్రయాణిస్తున్న మార్గంలో జాతీయ జెండాలతో ప్రజలు బారులు తీరి మోదీకి స్వాగతం పలికారు. హెచ్ఏఎల్ నుంచి ఇస్రోకు వెళ్లే 30 కిలోమీటర్ల మార్గంలో అధికారులు భారీ భద్రతా ఏర్పాట్లు చేపట్టారు. చంద్రయాన్-3 సక్సెస్‌కు కృషి చేసిన శాస్త్రవేత్తలతో మోదీ భేటీ కానున్నారు. ఇస్రో శాస్త్రవేత్తలకు అభినందనలు తెలిపారు. ఆదిత్యా L-1 మిషన్, గగన్ యాన్ పై మోదీ ఆరా తీయనున్నారు. 8 గంట‌ల వ‌ర‌కు ఇస్రో కేంద్రంలో మోదీ గడపనున్నారు. 8:30 గంటలకు బెంగళూరు నుంచి ఢిల్లీకి తిరుగు ప్రయాణం కానున్నారు.