గుజరాత్‌లో ప్రపంచంలోనే అతిపెద్ద ఆఫీసు!

సూరత్‌, జూలై 19: అమెరికా రక్షణ కార్యాలయం పెంటగాన్‌ పేరు మీద ఉన్న ‘ప్రపంచంలోనే అతి పెద్ద కార్యాలయం’ రికార్డును భారత్‌లోని ఓ కార్యాలయం తిరగరాయనుంది. గుజరాత్‌లోని సూరత్‌లో వజ్రాల వ్యాపారులకు చెందిన సూరత్‌ డైమండ్‌ బౌర్స్‌(ఎ్‌సడీబీ) కార్యాలయం ఈ ఏడాది నవంబరులో ప్రధాని మోదీ చేతుల మీదుగా మొదలుకానుంది. భారత సంస్థ మార్ఫోజెనెసిస్‌ రూపకల్పన చేసిన ఈ ఎస్‌డీబీ పూర్తి నిర్మాణం నాలుగేళ్లలోనే పూర్తికావడం విశేషం. భవనాలకు సంబంధించిన ఫొటోలను కార్యాలయ అధికారిక వెబ్‌సైట్‌ తాజాగా విడుదల చేసింది. దీర్ఘచతురస్రాకారంలో ఉండే 9 భవనాలు కార్యాలయంలో ప్రత్యేక ఆకర్షణగా నిలుస్తున్నాయి. ఒక్కో భవనంలో 15 అంతస్థులు ఉంటాయని, వజ్రాల వ్యాపారులకు చెందిన 4,500మంది అధికారులు ఇక్కడ విధులు నిర్వర్తిస్తారని అధికారులు వెల్లడించారు.