Tornado: అమెరికాలో టోర్నడో బీభత్సం.. 11 మంది మృతి

వాషింగ్టన్‌, ఏప్రిల్‌ 1: అమెరికాలోని మిసిసిప్పీ, అలబామాలో గత వా రం టోర్నడో బీభత్సంలో 26 మంది మరణించిన సంఘటన మరువక ముందే.. అర్కాన్సస్‌, ఇల్లినాయిస్‌ ప్రాంతాల్లో శుక్రవారం రాకాసిగాలి 11 మందిని పొట్టనబెట్టుకుంది. డజన్లకొద్దీ పౌరులు గాయాలపాలయ్యారు. వా రిలో ఐదుగురి పరిస్థితి విషమంగా ఉంది. అమెరికా కాలమానం ప్రకారం.. శుక్రవారం రాత్రి 7.30 సమయంలో టోర్నడో వేగం, ఉధృతికి ఇల్లినాయి్‌సలోని అపోలో థియేటర్‌ పైకప్పు కూలిపడింది. ఈ ఘటనలో ఒకరు అక్కడికక్కడే చనిపోగా.. 28 మంది తీవ్రగాయాలపాలయ్యారు. ఇల్లినాయి్‌సతోపాటు.. అర్కాన్స్‌సలో పలు ప్రాంతాల్లో టోర్నడో బీభత్సానికి 11 మంది చనిపోయారని, డజన్లకొద్దీ పౌరులు గాయపడ్డారని అధికారులు వెల్లడించారు.