నిద్ర ప్రతి జీవికీ అత్యవసరం. చాలావరకూ నిద్రతోనే మన శరీర ఆరోగ్యం ముడిపడి ఉందనడంలో అతిశయోక్తి లేదు. అయితే శరీరంలో శక్తికి ఆహారం ఎంత అవసరమో, తగినంత నిద్ర కూడా అంతే అవసరం. ఈ నిద్రపోయే విధానం ఒక్కోక్కరిలో ఒక్కోలా ఉంటుంది. దీనికి శరీరం చాలా అలవాటు పడిపోయి ఉంటుంది. కొందరిలో సరైన గది వాతావరణం లేకపోతే సరిగా నిద్ర పట్టదు. అలాగే సరైన గాలితోపాటు వెలుతురు కూడా ఉండాలి కొందరికి.. మరి కొందరికైతే అసలు వెలుతురే లేని చీకటి గదిలో నిద్రపోవడం హాయిగా ఉంటుంది. ఇలా ఒక్కక్కరిది ఒక్కో పద్దతి. అసలు ఇందులో ఏది సరైనదో తెలుసుకోవాలంటే..

చీకటిలో నిద్రపోవడం వల్ల కలిగే ప్రయోజనాలు: ఆరోగ్యకరమైన జీవనశైలి దినచర్యలో తగినంత నిద్ర చాలా ముఖ్యమైన భాగం. కానీ అనేక కారణాలు నిద్రకు ఆటంకం కలిగిస్తాయి. ఇవన్నీ చివరకు నిద్ర లేమికి దారితీస్తాయి. చీకటిలో నిద్రపోవడం అనేది చాలామందికి హాయి అయిన నిద్రను ఇస్తుంది. అయితే.. ప్రకాశవంతమైన లైట్లతో నిద్రించడం కంటే మసక వెలుతురుతో నిద్రపోవడం చాలా విశ్రాంతిగా ఉంటుందనేది అనేక అధ్యయనాలు కూడా చెబుతున్నాయి. చీకటి వాతావరణం మనస్సుపై ప్రశాంతమైన ప్రభావాన్ని అందిస్తుంది, ఒత్తిడి, ఆందోళన భావాలనుంచి మరింత ఉపశమనం ఇస్తుంది.

1. మంచి నిద్ర

సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC) ప్రకారం, శరీరంలోని సిర్కాడియన్ గడియారం కాంతికి స్పందిస్తుంది, మంచి నిద్ర కోసం రాత్రిపూట పడకగదిని చీకటిగా ఉంచండి. నిద్రవేళకు 2 గంటల ముందు కాంతిని చూడకపోవడం వల్ల నిద్రపోవడం సులభం అవుతుంది.

2. హార్మోన్ నియంత్రణ

ఒక వ్యక్తి కార్డియాక్ రిథమ్‌ను నియంత్రించడంలో లైట్లు ముఖ్యమైన పాత్ర పోషిస్తాయి. లైట్లకు ఎక్స్పోజరు అనేక రకాల హార్మోన్ల ప్రతిస్పందనలను ప్రేరేపిస్తుంది. ఇది మన మానసిక స్థితి, నిద్ర చక్రం, ఆకలి, మొత్తం ఆరోగ్యాన్ని ప్రభావితం చేసే సామర్థ్యాన్ని కలిగి ఉంటుంది. ఒక వ్యక్తి సిర్కాడియన్ రిథమ్, మెలటోనిన్ స్రావానికి ఆటంకం కలిగిస్తుంది.

ఇది కూడా చదవండి: జుట్టు రాలే సమస్యకూ.. ఈ పువ్వులకూ సంబంధమేంటని డౌటా..? అసలు ఈ 5 పువ్వుల గురించి తెలిస్తే..!

3. మానసిక ఆరోగ్యం

చీకటిలో నిద్రపోవడం వల్ల మంచి మానసిక ఆరోగ్యంతో సహా సంభావ్య ప్రయోజనాలు ఉన్నాయి. నిరంతరాయంగా 7 నుంచి 8 గంటల నిద్ర పోయినప్పుడు, శక్తితో నిండి ఉంటారు, ఇది మానసిక స్థితిని పనులను సమర్థవంతంగా పూర్తి చేయగల సామర్థ్యాన్ని పెంచుతుంది.

4. తగ్గిన ఆందోళన

మసక వెలుతురులో పడుకోవడం వల్ల ఆందోళన లక్షణాల నుండి ఉపశమనం పొందవచ్చు.

5. స్లీప్ డిజార్డర్స్ ప్రమాదం.

మనకు తెలియని అనేక రకాల నిద్ర రుగ్మతలు ఉన్నాయి, స్లీప్-వేక్ డిజార్డర్స్‌లో అబ్స్ట్రక్టివ్ స్లీప్ అప్నియా, పారాసోమ్నియాస్, నార్కోలెప్సీ, రెస్ట్‌లెస్ లెగ్ సిండ్రోమ్. ఈ నిద్ర కష్టాలు శారీరక, భావోద్వేగ సమస్యలతో ముడిపడి ఉంటాయని అమెరికన్ సైకియాట్రిక్ అసోసియేషన్ పేర్కొంది. ఇది మంచి రాత్రి నిద్రను పొందినప్పుడు, నిద్ర రుగ్మతలు వచ్చే అవకాశాలు గణనీయంగా తగ్గుతాయని తెలిపింది.