మనం రోజూ తీసుకునే ఆహారంలో చాలావరకూ ఆరోగ్యకరమైన ఆహారాలు ఉన్నాసరే.. కొన్ని పదార్ధాలను తరచుగా వాడటం మనకు అస్సలు ఇష్టం ఉండదు కానీ, వాటిని తీసుకోవడం ఆరోగ్యానికి చాలా మేలు చేస్తుంది. అందులో ముఖ్యంగా అల్లం మనం నిత్యం తినే ఆహారంలో భాగంగా తీసుకుంటాం కానీ.. ప్రత్యేకించి దీనితో తయారుచేసే టీని, ఇష్టపడనివారు చాలామందే ఉన్నారు. అసలు అల్లంలో ఉండే గుణాల గురించి తెలుసుకుందాం.

1. అల్లం అనేక ఆరోగ్య ప్రయోజనాలను కలిగి ఉంది. అల్లం వివిధ ఇన్ఫెక్షన్లతో పోరాడటానికి, మన రోగనిరోధక శక్తిని పెంచడంలో చాలా సహాయపడుతుంది.

2. అల్లం జలుబు, దగ్గు, వివిధ రకాల జీర్ణ సమస్యలతో పోరాడటానికి సహాయపడుతుంది. వాటి నుండి త్వరగా ఉపశమనాన్ని అందిస్తుంది. దీని కోసం చాలా మంది అల్లం టీపై ఆధారపడతారు.

ఇది కూడా చదవండి: ఏంటీ ఈ రెడ్ లైట్ థెరపీ.. 50 ఏళ్లొచ్చినా కూడా 35 ఏళ్ల వయసున్న వ్యక్తిలాగానే కనిపించాలంటే..!

3. అల్లం చాలా మంది అభిమానులను కలిగి ఉంది. అయితే అల్లం టీ అంటే ఇష్టపడని వారు కూడా ఉంటారు. అదే సమయంలో, జలుబు, జీర్ణ సమస్యల నుండి ఉపశమనం పొందడానికి అల్లం తినాలనుకోవచ్చు.

4. అలాంటి సందర్భాలలో, అల్లం టీకి బదులుగా తినగలిగే హెల్తీ డ్రింక్‌ని ఇంట్లోనే తయారుచేసుకోగలిగే అల్లం టానిక్ తో ఆరోగ్యానికి ఢోకా ఉండదు.

దీన్ని ఎలా సిద్ధం చేయాలో అర్థం చేసుకుందాం.

ముందుగా ఒక గిన్నెలో రెండు కప్పుల నీళ్లు తీసుకోవాలి. ఇప్పుడు బాగా మరిగించాలి. ఒక అంగుళం సైజులో చర్మం ఒలిచిన తర్వాత కడిగి శుభ్రం చేసి అందులో తురిమిన అల్లం వేయాలి. మళ్లీ అల్లంతో నీటిని మరిగించండి. మూడున్నర నిమిషాలు మరగబెట్టే సమయానికి, రెండు కప్పుల నీరు ఒక కప్పు వరకు ఆవిరి అవుతుంది.

పొయ్యి మీద నుంచి తీసి అందులో సగం నిమ్మకాయ పిండాలి. అవసరమైతే దీనికి కొంచెం తేనెను కూడా కలపవచ్చు. దీన్ని వేడివేడిగా తాగకూడదు. వేడి తగ్గిన తర్వాత గోరువెచ్చగా తాగవచ్చు.

గ్యాస్, అసిడిటీ, అజీర్ణం వల్ల కడుపు ఉబ్బరం ఉన్నవారు భోజనానికి ముందు కొద్దిగా అల్లం టానిక్ తీసుకోవచ్చు. ఈ టీ అన్ని రకాల జీర్ణ సమస్యలను పరిష్కరించడంలో సహాయపడుతుంది. కానీ తీవ్రమైన కడుపు వ్యాధులు ఉంటే దీనిని తీసుకోకపోవడం మంచిది.