అందమైన, ఆకర్షణమైన ముఖానికి కళ్ళు ముక్కుతో పాటు, పెదవులు అందమైన చిరునవ్వు కూడా అందాన్ని తీసుకువస్తాయి. అయితే.. పెదవుల అందం ముఖానికి చక్కదనాన్ని ఇస్తుంది. మామూలుగా పెదవులు పొడిబారడం, పగిలిపోవడం వంటి లక్షణాలు కనిపించినపుడు అది శరీరంలో జరిగే పెద్ద తప్పుగానే అర్థం చేసుకోవాలి. ఇది శరీరంలో అనేక విటమిన్ల లోపం కూడా కావచ్చు. అయితే ఈ లోపాన్ని అధిగమించి శరీరంలో విటమిన్ల పెరుగుదలకు ఏంచేయాలనే విషయాన్ని తెలుసుకుందాం.

పెదవులు తరచుగా పగిలిపోవడానికి కారణాలు..

చలికాలంలో పెదవులు పగిలిపోయే సమస్య తరచుగా వస్తుంది. కానీ వేసవిలో కూడా పెదవులు పదే పదే పగిలిపోతుంటే, శరీరంలో విపరీతమైన లోపం ఏర్పడుతుంది. ఇది విటమిన్, మినరల్ లోపం వల్ల కావచ్చు లేదా ఏదైనా వ్యాధి కారణంగా పెదవులు పగుళ్లు రావచ్చు. అందువల్ల, త్వరగా వైద్యుడిని సంప్రదించడం మంచిది.

పెదవులు పగిలిపోవడం లక్షణాలు..

పెదవులపై క్రస్ట్‌లు ఏర్పడినా, పొడిగా, పగుళ్లుగా, దురదగా ఉంటే, కొద్దిగా నొప్పిగా లేదా రక్తస్రావం అవుతున్నట్లయితే, ఇవి పెదవుల పగుళ్లకు సంకేతాలు కావచ్చు.

విటమిన్ B9 లోపం..

విటమిన్ బి లోపం వల్ల పెదవులు పగిలిపోయే సమస్య వస్తుంది, విటమిన్ B9 తిరిగి పొందడానికి, చిక్కుళ్ళు, బీన్స్, వేరుశెనగ, గుడ్లు తీసుకోవాలి.

విటమిన్ B12 లోపం..

చాలా మందికి విటమిన్ బి 12 లోపం ఉంది, దీని కారణంగా వేసవిలో కూడా పెదవులు పగుళ్లు ఉంటాయి. దీన్ని అధిగమించేందుకు చేపలు, పాలు, గుడ్డు, బలవర్ధకమైన ఆహారం, సప్లిమెంట్లను తీసుకోవాలి.

జింక్ లోపం..

జింక్ ఒక ఖనిజం, ఇది చర్మ ఆరోగ్యానికి చాలా ముఖ్యమైనది. దీని లోపం వల్ల శరీరంలో పొడిబారడం మొదలవుతుంది. ఇది వేరుశెనగ, పాల ఉత్పత్తులు, గుడ్లు, తృణధాన్యాలు నుండి తీసుకోవచ్చు.

ఇది కూడా చదవండి: అన్నం తిన్న వెంటనే పొరపాటున కూడా ఈ 5 పనులు చేయకండి.. లాభాల కంటే నష్టాలే ఎక్కువండోయ్..!

ఇనుము లోపం..

ఇనుము లోపాన్ని అధిగమించడానికి, బచ్చలికూర, బ్రోకలీ, చిలగడదుంప, గుడ్డు, చికెన్ తీసుకోవాలి. దీంతో పెదవులు పగిలిపోవడం ఆగిపోతుంది.

ఈ వ్యాధుల వల్ల పెదవులు కూడా పగులుతాయి..

కొన్ని సార్లు, విటమిన్ లేదా మినరల్ లోపంతో పాటు, కొన్నిఇతర వ్యాధులు కూడా పెదవుల పగుళ్లకు కారణమవుతాయి. వీటిలో అలెర్జీలు, థైరాయిడ్, ఆటో ఇమ్యూన్ వ్యాధులు కారణం కావచ్చు.