ఆరోగ్యాన్ని కాపాడుకోవాలంటే సరైన ఆహారం తీసుకోవాలి. అయితే పోషకాహారాన్ని తీసుకునే విషయంలో అపోహలు తప్పవు. ఆరోగ్యాన్ని కాపాడుకోవడానికి మనం తీసుకునే సూపర్ ఫుడ్ (Super foods) విషయంలో ఏది తీసుకోవాలి అనే విషయంలో ఉన్న అపోహలను తొలగించుకోవాలి.

1. అల్పాహారంగా తృణధాన్యాలు ఆరోగ్యకరమైనవి:

ముయెస్లీ, గ్రానోలా, కార్న్ ఫ్లేక్స్, గోధుమ రేకులు, వంటి పదార్థాలు తినడానికి వాటిని సహజంగా తయారుచేసుకుని మాత్రమే తినాలి. వీటిని ప్యాక్ చేసిన అల్పాహారాలను తినడానికి ఎంచుకోకూడదు. ప్యాక్ చేసిన వాటిలో పోషక విలువలు దెబ్బతినే అవకాశం ఉంది. శుద్ధి చేసిన ధాన్యాలను తీసుకోకపోవడం మంచిది.

2. మామిడి స్మూతీ ఆరోగ్యకరమైనది:

మామిడి సీజన్‌ వేసవి అంతా, మామిడి పండ్లను చాలా ఇష్టంగా తింటూ ఉంటాం. ముఖ్యంగా మామిడి స్మూతీ. మామిడి, పెరుగు, కొన్ని ఇతర పదార్ధాలతో తయారు చేయసిన ఈ పానీయం కడుపు నిండిన ఫీలింగ్ ఇస్తుంది. అంతే కాదు రుచి లోనూ బావుంటుంది. అయితే అది కనిపించినంత ఆరోగ్యకరమైనది కాదు. ఎందుకంటే పెరుగుతో కలిపిన మామిడి పండు మంచి కలయిక కాదు. పెరుగులో జంతు ప్రోటీన్ ఉంటుంది, ఇది పండ్లతో కలిపి శరీరంలో కిణ్వ ప్రక్రియకు దారితీస్తుంది. దీనితో అజీర్ణం, అసిడిటీ, శరీరంలోని ఇతర సమస్యలను మరింతగా ప్రోత్సహిస్తుంది.

ఇది కూడా చదవండి: ఎప్పుడు తింటే ఏంటన్న లాజిక్కులు వెతక్కండి.. అసలు అరటి పండును ఏ టైమ్‌లో తింటే బెస్ట్ అంటే..!

3. కొవ్వు తీసుకోవడం వల్లబరువు పెరుగుతారు:

కొవ్వు ఆరోగ్యానికి హానికరం అని అనుకుంటే అవి రెండు రకాలు., ఆరోగ్యకరమైన కొవ్వులు అనారోగ్యకరమైన కొవ్వులు. ఆరోగ్యకరమైన కొవ్వులు దాదాపు ప్రతి ఆహార పదార్ధాలలో సహజంగా ఉంటాయి. ఇవి శరీరంలోని పోషకాలను సమతుల్యం చేయడంలో సహాయపడతాయి. మరోవైపు, అనారోగ్యకరమైన కొవ్వులు, అంటే ట్రాన్స్ ఫ్యాట్‌లు, ప్రాసెస్ చేయబడిన, జంక్ ఫుడ్స్‌లో ఎక్కువగా ఉంటాయి, ఇవి అనేక ఆరోగ్య సమస్యలకు దారితీయవచ్చు.

4. షుగర్ ప్రాణాంతకం:

చక్కెర తీసుకోవడం ఆరోగ్యాన్ని తరచుగా గందరగోళానికి గురి చేస్తుంది. చక్కెర (లేదా సుక్రోజ్) సహజంగా పండ్లు, కూరగాయలలో ఉంటుంది. ఇది శరీరంలో పోషక సమతుల్యతను సృష్టించడంలో సహాయపడుతుంది.

5. గుడ్డులోని తెల్లసొన మొత్తం గుడ్డు కంటే ఆరోగ్యకరమైనది:

చాలా మందికి, పచ్చసొనలో పోషకాహారం ఉందని తెలియదు. గుడ్డు పచ్చసొనలో కాల్షియం, ఐరన్, విటమిన్లు ఉంటాయి. గుడ్డులోని తెల్లసొనతో కలిపి తింటే ఆరోగ్యకరమైన ఆహారంగా మారుతుంది. కాబట్టి భోజనం నుండి గుడ్డు పచ్చసొనను పక్కన పెట్టేముందు ఆలోచించండి.

ఇలా కొన్ని అపోహలను తొలగించుకుని కొత్తగా భోజనం కోసం చార్ట్‌ను సిద్ధం చేయడానికి ముందు ఈ అంశాలను పరిగణనలోకి తీసుకోవాలి. అవును, ఆహారం నుండి ఏదైనా ఆహారాన్ని జోడించే లేదా తొలగించే ముందు వైద్యుడిని సంప్రదించడం ఎల్లప్పుడూ మంచిది. ఆరోగ్యంగా తినండి, ఫిట్‌గా ఉండండి.