Paradise Bird ; మీకు తెలుసా?
ABN , First Publish Date - 2023-08-31T23:34:09+05:30 IST
ఈ పక్షి పైభాగం నల్లగా, కిందిభాగం తెలుపు, పసుపు రంగు ఉంటుంది. దీని తల మీద నుంచి రెండు వైపులా పొడవైన ఈకలు ఉంటాయి. ఈక పుల్లలా సన్నగా ఉంటుంది.
ఈ పక్షి పైభాగం నల్లగా, కిందిభాగం తెలుపు, పసుపు రంగు ఉంటుంది. దీని తల మీద నుంచి రెండు వైపులా పొడవైన ఈకలు ఉంటాయి. ఈక పుల్లలా సన్నగా ఉంటుంది. ఈ పక్షిని కింగ్స్‌ ఆఫ్‌ సక్సేనా ఆఫ్‌ ప్యారడైజ్‌ అని పిలుస్తారు.
ఈ పొడవైన ఈకల్ని తన రెక్కల మీదుగా, తోక కిందికి, కొమ్ముల్లా ఇలా సులువుగా కదిలిస్తుంది.
చెట్ల కొమ్మల మీద కూర్చుని హాయిగా కదులుతూ.. గట్టిగా అరుస్తూ ఈ పొడవైన రెక్కలను కదుపుతుంటే.. ఏవో దారాలు పక్షికి కట్టారా అన్నట్లుంటుంది.
ఈ ప్యారడైజ్‌ జాతికి చెందిన పక్షులు 45 రకాలు. ఈ సక్సేనా పక్షులు న్యూగినియాలోని పర్వత ప్రాంతాల్లోని అంచుల్లో నివసిస్తాయి. ముఖ్యంగా ఇవి రెయిన్‌ ఫారెస్టులోనే జీవించటానికి ఇష్టపడతాయి. ఈ పర్వతాలు సముద్ర మట్టానికి 250మీ. ఎత్తులో మాత్రమే ఉంటాయి. అంటే అంత ఎత్తులో మాత్రమే ఈ పక్షులు జీవిస్తాయి.
పండ్లు, సాలె పురుగులు, చిన్న కీటకాలను తిని బతుకుతాయివి.
మగ పక్షి అందంగా ఉంటుంది. వీటికి మాత్రమే పొడవైన ఈకలు ఉంటాయి. వీటి పొడవు 50 సెం.మీ.
22 సెం.మీ పొడవు ఉంటాయి. 100 గ్రాముల లోపే వీటి బరువు ఉంటుంది.
ఈ పక్షులు ఒంటరిగా మాత్రమే ఉంటాయి. ఆడ పక్షులను ఆకర్షించటానికి ‘తుర్‌ తుర్‌...’ అంటూ అరుస్తాయి. ఒక్కోసారి మూడు లేదా నాలుగు పక్షులు గుంపులుగా ఉంటాయి. మగపక్షులు పోటీ పడి మరీ గట్టిగా కూస్తుంటాయి.
ఆకులతో, పుల్లలతో గుండ్రంగా చెట్ల అంచుల్లో గూడు కట్టుకుంటాయి. కేవలం ఒకే గుడ్డు మాత్రమే పెడతాయి. 22 రోజులు పాటు పొదుగుతాయి.
వీటి గుడ్లను పాములు తినే అవకాశం ఉంది. అయితే ఈ పక్షులకు మాత్రం ఎవరితో ఎలాంటి ఇబ్బంది లేదు. ఎందుకంటే అంత ఎత్తుకు మిగతా పక్షులు, జంతువులూ, మనుషులూ పోలేరు.
