నక్క తెలివి

ఒక అడవిలో ఓ నక్క, గాడిద ఉండేవి. అవి రెండూ స్నేహితులయ్యాయి. స్నేహంకోసం నక్కనే ఎంచుకోవాలా అని కొన్ని జంతువులు అన్నాయి. అది చూసి గాడిద ఏమీ పట్టించుకోలేదు. రెండూ అడవిలో తిరిగేవి. నక్కతో స్నేహం ఉంటే చిక్కుల్లో పడతావని ఓ ఎలుగుబంటి గాడిదను హెచ్చరించింది. అయినా పట్టించుకోలేదు గాడిద.

ఒక రోజు నక్క, గాడిద అడవిలో వెళ్తున్నాయి. సింహం గుహదగ్గరకు వెళ్లాయి. లోపల సింహం లేదు. సింహం గుహ దగ్గరకు మనం వెళ్లాం తెలుసా? అంటూ రెండు నడుస్తున్నాయి. ఇంతలో సింహం వచ్చింది. తింటుందేమోనని తెలివిగా నక్క ఎదురుగా వెళ్లింది. మెల్లగా సింహం చెవిలో ఇలా అన్నది. ‘ఆ గాడిద బలిష్టంగా ఉంది. ఇద్దరం తినొచ్చు’ అన్నది. సింహం సరేనంది. ఇంతలో దూరంగా ఉండే గాడిదకు ఏదో తేడా అనిపించింది. మెల్లగా ఆలోచించింది. కొంపదీసి నన్ను తినాలనుకుంటున్నారా? అని ఊహించింది. నక్కతో మెల్లగా సింహం ఇలా అంది. గాడిదను వెనక్కి తీసుకెళ్లు గోతిలో పడేయి అన్నది. నక్క వెనక్కి తీసుకెళ్లింది గాడిదను. గాడిద పొరబాటు పడి గుంతలో పడింది.

క్షణాల్లో నక్కమీదకు ఎగిరింది సింహం. నక్కను తినేసింది. గోతిలో ఉండే గాడిదను అలానే వదిలేసి వెళ్లింది. గాడిద మాత్రం ప్రాణాలతో బయటపడింది. ఎలాగొలాగా తప్పించుకుని పారిపోయింది.