NRITDP కువైట్ ఆధ్వర్యంలో బ్లడ్ డొనేషన్ కార్యక్రమం

విశ్వవిఖ్యాత నట సార్వభౌమ నందమూరి తారకరామారావు జయంతి ఉత్సవాలను పురస్కరించుకొని కువైట్‌లోని(Kuwait) జాబ్రియా బ్లడ్ బ్యాంక్‌లో NRITDP కువైట్ ఆధ్వర్యంలో గల్ఫ్ కౌన్సిల్ సభ్యులు వెంకట్ కోడూరి, అధ్యక్షులు అక్కిలి నాగేంద్ర బాబు అధ్యక్షతన రక్తదాన కార్యక్రమం విజయవంతంగా నిర్వహించారు.

ఈ కార్యక్రమంలో నారా, నందమూరి అభిమానులు పెద్ద సంఖ్యలో పాల్గొని కార్యక్రమాన్ని విజయవంతం చేసినందుకు అధ్యక్షులు nri tdp కమిటీ తరుపున ప్రతి ఒక్కరికి ధన్యవాదాలు తెలిపారు. ఈ కార్యక్రమంలో పాల్గొన్న తెలుగుదేశం సీనియర్ నాయకులు వెనిగళ్ల బాల కృష్ణ ,గుండయ్య నాయుడు, సురేష్ మాలేపాటి, చిన్న రాజు, దివాకర్ ఓలేటి, శ్రీనివాస్ చౌదరి, లక్ష్మీపతి, బోయపాటి శ్రీను, నాయనేని సుధాకర్ పాల్గొన్నారు. అలాగే nritdp కువైట్ కమిటీ కార్యవర్గ సభ్యులు, నాలుగు గవర్నరేట్ కోఆర్డినెటర్లు, జాయింట్ కోఆర్డినేటర్‌లు, కార్యవర్గ సభ్యులు ప్రతి ఒక్కరూ పాల్గొని ఈ కార్యక్రమాన్ని విజయవంతం చేశారు.