Viral Video: బాబూ.. అది గుర్రం అనుకున్నావా? నడిరోడ్డుపై ఎద్దు స్వారీ.. ఆశ్చర్యపోతున్న నెటిజన్లు!

సోషల్ మీడియాలో ప్రతిరోజూ కొన్ని వందల సంఖ్యలో వీడియోలు అప్‌లోడ్ అవుతుంటాయి. వాటిల్లో కొన్ని నవ్వు తెప్పిస్తే, మరికొన్ని ఆసక్తికరంగా ఉండి ఆకట్టుకుంటాయి. ప్రస్తుతం వైరల్ అవుతున్న ఓ వీడియో (Viral Video) చూస్తే మాత్రం ఆశ్చర్యపోక తప్పదు. ఆ వీడియోలో ఒక వ్యక్తి ఎద్దుపై స్వారీ (Bull Ride) చేస్తున్నాడు. అచ్చం గుర్రం (Horse Ride) మీద స్వారీ చేసినట్టే నడిరోడ్డుపై ఎద్దుపై కూర్చుని రైడ్ చేస్తున్నాడు. ఈ షాకింగ్ వీడియో సోషల్ మీడియాలో ట్రెండింగ్‌గా (Trending Video) మారింది.

@copkumargaurav అనే ట్విటర్ హ్యాండిల్‌లో ఈ వీడియో షేర్ అయింది. ఈ వీడియో ప్రకారం.. రాత్రి సమయంలో ఓ యువకుడు రోడ్డుపైకి ఎద్దుతో వచ్చాడు. ఆ కుర్రాడు కూర్చున్న ఎద్దు.. గుర్రం మాదిరిగా అతి వేగంగా పరిగెడుతోంది. ఆ యువకుడు ఎద్దుపై కూర్చుని ``కైలాసపతి నాథ్ కీ జై `` అని గట్టిగా నినాదాలు చేస్తూ దానిని పరిగెత్తిస్తున్నాడు. ఆ యువకుడిని చూసి రోడ్డుపై ఉన్న చాలా మంది ఆశ్చర్యపోయారు. కొందరు నవ్వుకున్నారు. కొంతదూరం వెళ్ళిన తరువాత, అతను ఎద్దును తీసుకొని మరో వీధిలోకి మళ్లాడు.

Viral Video: చిన్నారుల క్యూట్ మ్యాజిక్ ట్రిక్.. వీడియో చూస్తే నవ్వకుండా ఉండలేరు.. నెటిజన్ల రియాక్షన్ ఏంటంటే!

ఈ వీడియోపై నెటిజన్లు తమదైన శైలిలో స్పందిస్తున్నారు. ``భారతదేశంలో ఏదైనా సాధ్యమే``నని ఒకరు కామెంట్ చేశారు. ``పెట్రోల్ ఖర్చు లేకుండా ప్రయాణించాలంటే ఇలాంటి వాహనాలు ఉండాలి``, ``అది గుర్రం కాదు బాబూ.. ఎద్దు``, ``తేడా వస్తే ప్రాణాలు పోవడం ఖాయం`` అంటూ కామెంట్లు చేస్తున్నారు.