Amitabh Bachchan: ‘ఆ ప్యాంటు వేసుకున్నా.. ఎలుక దూరింది’

బాలీవుడ్‌లో మంచి పాపులారిటీ ఉన్న నటుల్లో అమితాబ్ బచ్చన్ (Amitabh Bachchan) ఒకరు. ఈ మెగాస్టార్ 80 ఏళ్ల వయస్సులోనూ వరుస సినిమాలతో దూసుకెళుతున్నారు. ఈ సినిమాలతో ఎంత బిజీగా ఉన్నప్పటికీ సోషల్ మీడియాలోనూ చాలా యాక్టీవ్‌గా ఉంటారు. ఆయన సంబంధించిన పలు విషయాలను అభిమానులతో పంచుకుంటూ ఉంటారు. ఆయన ఇప్పటికే బాలీవుడ్‌లో చాలా సినిమాల్లో నటించారు. అందులో ‘దో ఔర్ దో పాంచ్’ (Do aur Do Panch) అనే మూవీ ఒకటి. సూపర్ హిట్‌గా నిలిచిన ఈ చిత్రం విడుదలై ఇప్పటికీ 43 ఏళ్లు గడిచాయి. ఈ తరుణంలో సోషల్ మీడియాలో ఓ సరదా విషయాన్ని అమితాబ్‌ పంచుకున్నాడు.

అమితాబ్ బచ్చన్ షేర్ చేసిన ట్వీట్‌లో.. ‘‘43 సంవత్సరాల 2+2 = 5 ; ‘దో ఔర్ దో పంచ్’.. ఈ చిత్రం ఎంతో సరదాగా ఉంటుంది.. బెల్ బాటమ్స్‌తోపాటు మరికొన్ని అందులో ఉన్నాయి!!!.. ఆ రోజుల్లో బెల్ బాటమ్‌లను విరివిగా వాడుతున్నారు.. ఒక థియేటర్‌లో సినిమా చూడటానికి వెళ్లినప్పుడు, ఒక ఎలుక (Rat) నా ప్యాంట్‌లోకి దూరింది.. బెల్ బాటమ్‌(Bell Bottom)కు ధన్యవాదాలు (నవ్వుతున్న ఎమోజీలు)” అని రాసుకొచ్చారు. ఈ పోస్ట్ ప్రస్తుతం వైరల్ అవుతోంది. దీంతో ‘అప్పుడు ఎలా ఫీల్ అయ్యారు సర్’.. ‘దో ఔర్ దో పాంచ్ మూవీ చాలా బావుంటుంది’ అంటూ వరుసగా కామెంట్స్ చేస్తున్నారు.

కాగా.. ఇటీవలే ‘ఉంచాయ్’ సినిమాతో సూపర్‌హిట్ సాధించిన అమితాబ్ ప్రస్తుతం ‘ప్రాజెక్ట్ కే’లో నటిస్తున్నారు. టాలీవుడ్ దర్శకుడు నాగ్ అశ్విన్ డైరెక్షన్ చేస్తున్న ఈ మూవీలో ప్రభాస్, దీపికా పదుకొనే హీరోహీరోయిన్లుగా నటిస్తున్నారు. అలాగే మరి కొన్ని సినిమాలు సైతం సెట్స్‌‌పై ఉన్నాయి.