Viral Video: మనిషిని వెంటాడిన ఎలుగు బంటి.. చెట్టెక్కినా వదలకుండా ఛేజింగ్.. చివరకు..

ప్రతిరోజూ సోషల్ మీడియాలో వందల సంఖ్యలో వీడియోలు అప్‌లోడ్ అవుతుంటాయి. వాటిల్లో కొన్ని నెటిజన్లను బాగా ఆకట్టుకుంటాయి. ముఖ్యంగా వన్య మృగాలకు (Wild Animals) సంబంధించిన వీడియోలైతే బాగా వైరల్ అవుతున్నాయి. తాజాగా ఓ ఎలుగు బంటి, మనిషికి మధ్య జరిగిన ఘటనకు సంబంధించిన వీడియో నెట్టింట్లో హల్‌చల్ చేస్తోంది. మనుషులను ఎలుగుబంట్లు వేటాడతాయని (Bear chases Man) మనకు తెలిసిందే. ఆ ఘటనలకు సంబంధించి పలు కథలు కూడా వినే ఉంటాం.

తాజాగా ఓ అడవిలో అలాంటి ఘటనే జరిగింది. ఎలుగు బంటికి భయపడి ఓ వ్యక్తి పరిగెత్తుకుంటూ వెళ్లి చెట్టు ఎక్కాడు. అయినా ఎలుగు బంటి (Bear) అతడిని వదల్లేదు. చెట్టు ఎక్కి అతడిని పట్టుకునేందుకు ప్రయత్నించింది. అతడు ఇంకా పైకి ఎక్కేయడంతో ఆ ఎలుగు పైకి ఎక్కలేకపోయింది. ఆ ఘటన మొత్తాన్ని ఓ వ్యక్తి వీడియో తీసి సోషల్ మీడియాలో పోస్ట్ చేశాడు. ఆ వీడియో (Viral Video) ఎంతో మందిని ఆకట్టుకుంది.