ఓ కుక్క నోట్లో మనిషి చేయిని చూసి గ్రామస్తులంతా షాక్.. ఆ శునకం వచ్చిన దారిలోనే అంతా వెళ్లి చూస్తే..

ఇంటర్నెట్ డెస్క్: అప్పడిదాకా ఆ గ్రమం అంతా ప్రశాంతంగా ఉంది. ఇంతలో ఓ కుక్క మనషి చేయి నోటకరుచుకుని గ్రామంలోకి వచ్చింది. దీంతో..గ్రామంలోని వారందరూ హడలిపోయారు. స్థానికంగా ఒక్కసారిగా కలకలం రేగింది. రెండు రోజుల తరువాత ఈ మిస్టరీకి తెరపడింది. ఆ చేయి ఎవరిదో తెలిసి ఓ కుటుంబం గుండెలవిసేలా రోదించింది. ఛత్తీస్‌గడ్(Chhattisgarh) బాలోద్ (Balod)జిల్లాలో తాజాగా వెలుగు చూసిన ఈ ఉదంతం పూర్తి వివరాలు ఇలా ఉన్నాయి.

దేవురత్ గ్రామానికి చెందిన ఓ మహిళ ఫిబ్రవరి 23 మామయ్య ఇంటికి వెళుతున్నానని చెప్పి బయటకు వెళ్లింది. ఆ తరువాత ఆమె ఎంతకీ ఇంటికి తిరిగిరాకపోవడంతో మహిళ కుటుంబ సభ్యులు ఆమె మామయ్యకు ఫోన్ చేశారు. ఆమె తమ ఇంటికి రాలేదని ఆయన చెప్పడంతో మహిళ కుటుంబీకులు ఊరంతా వెతికి చివరకు పోలీసులకు సమాచారం అందించారు. పోలీసులు దర్యాప్తు జరుగుతుండగానే మహిళ ఓ వ్యక్తి చేయిని నోటకరుచుకుని వచ్చింది. అది వచ్చిన అంతా వెళ్లి చూడగా అక్కడ ఓ మహిళ శవం కనిపించింది. గ్రామానికి సమీపంలోనే ఓ సరస్సు వద్ద కాలిస్థితిలో ఆమె శవాన్ని(Burnt body) గుర్తించారు. సమాచారం అందుకున్న వెంటనే పోలీసులు ఘటన స్థలానికి చేరుకున్నారు. శవాన్ని పోస్ట్‌మార్టం నిమిత్తం ఆసుపత్రికి తరలించారు.

ఇదిలా ఉంటే.. మహిళ శవం పక్కన రెండు నూనె డబ్బాలు కూడా లభించాయి. దీంతో.. ఆమె ఆత్మహత్య చేసుకుని ఉండొచ్చని పోలీసులు అనుమానిస్తున్నారు. నిజానిజాలు వెలికి తీసేందుకు దర్యాప్తు ముమ్మరం చేశారు. మరోవైపు.. ఇప్పుడేవస్తానని బయటకు వెళ్లిన మహిళ ఇలా అనుమానాస్పద రీతిలో మరణించడంతో ఆమె కుటుంబం శోకసంద్రంలో కూరుకుపోయింది.