Viral: ఉద్యోగానికి దరఖాస్తు చేస్తే రిజెక్ట్ చేసిందో కంపెనీ.. రిప్లై లెటర్‌‌తోపాటు వచ్చిన గిఫ్టును చూసి అవాక్కైన నిరుద్యోగి..!

సాధారణంగా ఏదైనా సంస్థకు ఉద్యోగం (Job) కోసం ఇంటర్వ్యూకు (Interview) వెళ్లిన తర్వాత ఫలితం కోసం ఆసక్తిగా ఎదురు చూస్తారు. ఆ ఉద్యోగం రాలేదని మెసేజ్ వచ్చినపుడు చాలా నిరాశకు గురవుతారు. అయితే తాజాగా ఓ సంస్థ అలా నిరాశకు గురి కాకుండా ఉండేందుకు సరికొత్త ఆలోచన చేసింది. తమ సంస్థకు ఉద్యోగం కోసం వచ్చి సెలెక్ట్ అవని ఓ అభ్యర్థికి రిజెక్షన్ లెటర్‌ (Rejection letter )తో పాటు ఓ గిఫ్ట్ కార్డు (Gift card)ను కూడా పంపించింది. ఆ ఘటన సోషల్ మీడియాలో వైరల్ అవుతోంది.

రెడ్డిట్‌లో వైరల్ అవుతున్న ఆ పోస్ట్ ప్రకారం.. ఆ వ్యక్తి సీక్రెట్ సుషి (Secret Sushi) అనే డిజిటల్ మార్కెటింగ్ సంస్థలో ఉద్యోగం కోసం వెళ్లాడు. ఇంటర్వ్యూలో ఆ అభ్యర్థి సెలెక్ట్ అవలేదు. ఆ విషయం తెలుపుతూ ఆ అభ్యర్థికి సంస్థ ఓ లెటర్ పంపించింది. ఆ లెటర్‌తో పాటు అమేజాన్ గిఫ్ట్ కార్డును (Amazon gift card) కూడా పంపించింది. ``మీ ఉద్యోగాన్వేషణ ఫలించాలని కోరుకుంటున్నాం. మా సంస్థలో కెరీర్ ఎంచుకోవాలనుకున్నందుకు మీకు ధన్యవాదాలు. మా గురించి తెలుసుకునేందుకు సమయం వెచ్చించినందుకు కృతజ్ఞతలు. భవిష్యత్తులో మా సంస్థలో మీరు పని చేసే అవకాశం వస్తుందని ఆశిస్తున్నాం`` అని ఆ లేఖలో సంస్థ పేర్కొంది.

Viral: స్విగ్గీ క్రియేటివిటీ మామూలుగా లేదు.. జీ-20 సమ్మిట్‌పై స్విగ్గీ ఆసక్తికర ట్వీట్.. ఫిదా అవుతున్న నెటిజన్లు!

ఆ వ్యక్తి గిఫ్ట్ కార్డును సోషల్ మీడియాలో పోస్ట్ చేసి.. ``ఫ్రెండ్స్.. నాకు ఇలా మొదటిసారి జరిగింది. నాకు రిజెక్షన్ లెటర్‌తో పాటు అమేజాన్ గిఫ్ట్ కార్డు కూడా వచ్చింది`` అని ఆ వ్యక్తి పేర్కొన్నాడు. ఈ పోస్ట్ సోషల్ మీడియాలో వైరల్ (Viral) అయింది. రిజెక్ట్ అయిన వ్యక్తితో ఎంతో మర్యాదగా వ్యవహరించిన కంపెనీపై నెటిజన్లు ప్రశంసలు కురిపిస్తున్నారు. ``చాలా కంపెనీలు రిజెక్ట్ అయినట్టు కనీసం సమాచారం కూడా ఇవ్వవు. ఈ సంస్థ చాలా గొప్పది`` అని చాలా మంది కామెంట్లు చేశారు.