Chiranjeevi appointment: ఆ దర్శకుడికి... నిజమేనా?
ABN , First Publish Date - 2023-02-11T14:51:06+05:30 IST
సోగ్గాడే చిన్ని నాయన’ చిత్రంతో దర్శకుడి పరిచయమై తొలి చిత్రంతోనే దర్శకుడిగా నిరూపించుకున్నారు కల్యాణ్‌ కృష్ణ. తదుపరి ‘రారండోయ్‌ వేడుక’ చూద్దాం’ సినిమాతో ఆకట్టుకున్నారు. ‘నేల టికెట్‌’ నిరూత్సాహ పరిచినా 2022 సంక్రాంతి పండుగ సీజన్‌లో విడుదలైన ‘బంగార్రాజు’ ఫర్వాలేదనిపించింది
‘సోగ్గాడే చిన్ని నాయన’ (soggade chinninayana) చిత్రంతో దర్శకుడి పరిచయమై తొలి చిత్రంతోనే దర్శకుడిగా నిరూపించుకున్నారు కల్యాణ్‌ కృష్ణ(kalyan krishna). తదుపరి ‘రారండోయ్‌ వేడుక’ చూద్దాం’ సినిమాతో ఆకట్టుకున్నారు. ‘నేల టికెట్‌’ నిరూత్సాహ పరిచినా 2022 సంక్రాంతి పండుగ సీజన్‌లో విడుదలైన ‘బంగార్రాజు’ ఫర్వాలేదనిపించింది. ఆ సినిమా విడుదలై ఏడాది కావొస్తున్నా కల్యాణ్‌ నుంచి మరో చిత్రానికి సంబంధించిన ప్రకటన రాలేదు. (Chiranjeevi appointment)
తాజాగా కల్యాణ్‌ కృష్ణ గురించి ఓ వార్త నెట్టింట వైరల్‌ అవుతోంది. ఇప్పుడాయన మెగాస్టార్‌ చిరంజీవి కోసం ఓ కథ సిద్ధం చేసుకున్నారని ఫిల్మ్‌నగర్‌లో టాక్‌ వినిపిస్తోంది. కథ చెప్పడానికి కల్యాణ్‌కు అపాయింట్‌మెంట్‌ కూడా ఇచ్చారట చిరు. ఈ కథ మెగాస్టార్‌ కుటుంబ కథా చిత్రాలకు కేరాఫ్‌ అయిన కల్యాణ్‌ చిరు కోసం ఎలాంటి కథ తయారు చేశారో చూడాలి. (Chiranjeevi appointment to kalyan krishna)
‘గాడ్‌ ఫాదర్‌’, ‘వాల్తేరు వీరయ్య’ చిత్రాలతో సక్సెస్‌ జోష్‌లో ఉన్న చిరంజీవి ప్రస్తుతం ‘భోళా శంకర్‌’ చిత్రంతో బిజీగా ఉన్నారు. ఈ చిత్రానికి మెహర్‌ రమేశ్‌ దర్శకుడు. క్రియేటివ్‌ కమర్షియల్స్‌, ఎ.కె ఎంటర్‌టైన్‌మెంట్‌ సంస్థలు నిర్మిస్తున్నారు. రాంబ్రహ్మం సుంకర, కె.ఎస్‌ రామారావు నిర్మాతలు. ప్రస్తుతం ఈ చిత్రం షూటింగ్‌ హైదరాబాద్‌లో జరుగుతోంది.
