Viral Video: కోడిలా కూత పెట్టిన కుక్క.. షాకింగ్ వీడియో చూసి ఆశ్చర్యపోతున్న నెటిజన్లు!

ఇతర జంతువులతో పోల్చుకుంటే శునకాలు (Dogs) ఇతర జీవులతో బాగా కలిసిపోతాయి. మనుషులతోనే కాదు.. ఇతర జంతువులతో కూడా కలిసి జీవించ గల నేర్పు కుక్కలకు ఉంటుంది. చిన్న వయసు నుంచే ఆయా పరిస్థితులకు అనుగుణంగా తమను తాము మార్చుకుని జీవిస్తాయి. సోషల్ మీడియా అందుబాటులోకి వచ్చాక శునకాలకు సంబంధించిన పలు వీడియోలు (Dog Videos) బాగా వైరల్ అవుతున్నాయి. కుక్కలు ప్రదర్శించే రకరకాల ట్యాలెంట్లు అందరినీ ఆకట్టుకుంటున్నాయి.

ప్రస్తుతం వైరల్ అవుతున్న ఓ వీడియోలోని ఓ కుక్క ట్యాలెంట్ చూస్తే మాత్రం షాకవ్వాల్సిందే. ఎందుకంటే ఈ వీడియోలోని కుక్క అచ్చం కోడిలా (Rooster) కూత పెట్టింది. @Figensport అనే ట్విటర్ హ్యాండిల్‌లో ఆ వీడియో షేర్ అయింది. ఆ వీడియోలో ఒక రోడ్డుపై ఓ కోడి పెట్ట, కుక్క ఉన్నాయి. ముందుగా కోడి కూత పెట్టింది. వెంటనే కుక్క ఆ కోడిని అనుకరిస్తూ తనదైన శైలిలో కూత పెట్టింది (Doggy crows like rooster). కుక్క కూత అంత పర్ఫెక్ట్‌గా కుదరకపోయినప్పటికీ, కుక్క ప్రయత్నం మాత్రం చాలా మందిని ఆశ్చర్యపరిచింది.

Viral Video: హాట్‌టాపిక్‌గా మారిన ఆటో డ్రైవర్.. ఓ వ్యక్తి చాటుగా తీసిన వీడియోతో సోషల్ మీడియాలో తెగ హల్ చల్..!

సోషల్ మీడియాలో బాగా వైరల్ అయిన ఈ వీడియోను ఇప్పటివరకు 19 లక్షల మంది వీక్షించారు. ఈ వీడియోపై నెటిజన్లు తమదైన శైలిలో కామెంట్లు చేస్తున్నారు. ``పాపం.. ఆ కోడి గందరగోళ పడి ఉంటుంది``, ``మనలాగానే ఆ కోడి కూడా షాకై ఉంటుంది``, ``వివిధ జాతుల మధ్య కమ్యూనికేషన్ అలాగే ఉంటుంది`` అని కామెంట్లు చేస్తున్నారు.