Viral Video: అమ్మాయిని ఇమిటేట్ చేస్తూ డ్యాన్స్ వేసిన ఏనుగు.. ఆ వీడియో చూసి నెటిజన్లు ఎందుకు బాధపడుతున్నారంటే!

జంతువుల ప్రవర్తన చాలా అనూహ్యంగా ఉంటుంది. మనుషుల మధ్య పెరిగిన వాటికి, అడవిలో పెరిగిన జంతువులకు (Wild Animals) ప్రవర్తన విషయంలో చాలా తేడా ఉంటుంది. సోషల్ మీడియా అందుబాటులోకి వచ్చాక జంతువులకు సంబంధించిన ఎన్నో వీడియోలు ప్రతిరోజూ అప్‌లోడ్ అవుతున్నాయి. జంతువులు డ్యాన్స్ చేస్తున్న వీడియోలు కూడా వైరల్ (Viral Video) అవుతున్నాయి. ప్రస్తుతం ఓ ఏనుగు డ్యాన్స్ చేస్తున్న వీడియో కూడా వైరల్ అవుతోంది (Elephant Dancing Video).

వైరల్ అవుతున్న వీడియోలో ఓ అమ్మాయి ఏనుగు (Elephant) ఎదురుగా నిల్చుని మోహిత్ చౌహాన్ పాపులర్ సాంగ్ ``మాటర్‌గష్టి‌``కు డ్యాన్స్ చేస్తోంది. ఆ అమ్మాయిని చూస్తూ ఏనుగు కూడా ఆమెలాగానే డ్యాన్స్ చేసింది. ఆ వీడియో చూడడానికి చాలా ఫన్నీగా ఉంది. ఆ వీడియో సోషల్ మీడియాలో చాలా వైరల్‌గా మారింది. ఆ వీడియోను ఇప్పటివరకు 38 లక్షల మంది వీక్షించారు. వీడియో చాలా బాగుందని చాలా మంది కామెంట్లు చేస్తున్నారు.

Viral Video: అదృష్టం బాగుంది.. లేకపోతే.. మద్యం మత్తులో అడవి ఏనుగుతో ఎలా ప్రవర్తించాడో చూడండి..

మరికొందరు మాత్రం ఆ ఏనుగు పరిస్థితి చూసి ఆందోళన వ్యక్తం చేశారు. ఆ ఏనుగును గొలుసులతో బంధించి, షెడ్ కింద ఉంచడం వారి ఆందోళనకు కారణం. ఏనుగులు తీవ్ర ఒత్తిడిలో ఉన్నప్పుడే ఇలా డ్యాన్స్‌లు వేస్తాయని ఒకరు కామెంట్ చేశారు. మనుషుల సంతోషం కోసం ఏనుగును ఇలా బంధించడం హింస అని కొందరు పేర్కొంటున్నారు.