Viral Video: చదువు కోసం ప్రాణాలు పణంగా పెడుతున్న విద్యార్థినులు.. వైరల్ అవుతున్న షాకింగ్ వీడియో!
ABN , First Publish Date - 2023-04-30T13:12:09+05:30 IST
ప్రపంచం ఎంతగా అభివృద్ధి చెందుతున్నా, నింగిలోకి రాకెట్లను పంపుతున్నా కొన్ని ప్రాంతాలు మాత్రం ఎప్పటికీ వెనకబడే ఉంటాయి. కనీస సౌకర్యాలు కూడా లేకపోవడంతో ప్రజలు నానా కష్టాలు పడుతున్నారు.
ప్రపంచం ఎంతగా అభివృద్ధి చెందుతున్నా, నింగిలోకి రాకెట్లను పంపుతున్నా కొన్ని ప్రాంతాలు మాత్రం ఎప్పటికీ వెనకబడే ఉంటాయి. కనీస సౌకర్యాలు కూడా లేకపోవడంతో ప్రజలు నానా కష్టాలు పడుతున్నారు. స్వాతంత్ర్యం వచ్చి 75 ఏళ్లు గడుస్తున్నప్పటికీ రోడ్డు సౌకర్యం లేని గ్రామాలు వందల్లో ఉన్నాయి. తాజాగా వైరల్ అవుతున్న వీడియో (Viral Video) చూస్తే కాస్త బాధ కలగక తప్పదు.
వైరల్ అవుతున్న ఆ వీడియోలో కొందరు అమ్మాయిలు (Girl Students) తమ ప్రాణాలను పణంగా పెట్టి పాఠశాలకు (school) వెళ్తున్నారు. ఓ స్కూల్ స్టూడెంట్ ఓ వాగును దాటేందుకు ప్రయత్నిస్తోంది. వాగు ఇటు ఒడ్డు నుంచి అటు ఒడ్డుకు ఒక తాడును కట్టారు. ఆ తాడుకు వేలాడుతూ ఆ బాలిక నది దాటింది. వాగును దాటే సమయంలో ఏ చిన్న పొరపాటు జరిగినా ప్రాణాంతకంగా (Life Risk) మారవచ్చు. ఎందుకంటే వాగులో నీటి ప్రవాహం చాలా వేగంగా ఉంది.
Shocking Video: అమ్మ బాబోయ్.. ఇదేం వింత.. బ్రహ్మంగారు చెప్పినట్టే జరుగుతోందిగా.. ఈ తాబేలును చూస్తే..!
ఒకవేళ చేయి జారి ఎవరైనా నీటిలో పడితే క్షణంలో కొట్టుకుపోతారు. ఈ వీడియో సోషల్ మీడియాలో వైరల్ అవుతోంది. చదువు కోసం తన ప్రాణాలను పణంగా పెడుతున్న విద్యార్థినుల దుస్థితి చాలా మందిని కదిలిస్తోంది. ఈ వీడియోపై నెటిజన్లు తమదైన శైలిలో స్పందిస్తున్నారు.
