Viral video: ఆ కోడి ఏం తింటోందో గానీ, కుక్కనే పరుగులు పెట్టించింది.. వీడియో చూసి షాకవుతున్న నెటిజన్లు!
ABN , First Publish Date - 2023-02-27T20:53:19+05:30 IST
పెద్ద జంతువులు చిన్న జంతువులపై దాడి చేసి వాటిని భయపెట్టడం మనం చూసే ఉంటాం. ముఖ్యంగా వీధుల్లో తిరిగే కుక్కలను (Dogs) చూసి పిల్లులు, కోళ్లు మొదలైన జంతువులు దూరంగా పారిపోతాయి.
పెద్ద జంతువులు చిన్న జంతువులపై దాడి చేసి వాటిని భయపెట్టడం మనం చూసే ఉంటాం. ముఖ్యంగా వీధుల్లో తిరిగే కుక్కలను (Dogs) చూసి పిల్లులు, కోళ్లు మొదలైన జంతువులు దూరంగా పారిపోతాయి. అయితే తాజాగా వైరల్ అవుతున్న ఓ వీడియోలో మాత్రం ఓ కోడి పెట్ట (Hen) కుక్కకే చుక్కలు చూపించింది. దానితో ఫైట్ చేసి ఓడించింది. రోడ్లపై పరుగులు పెట్టింది. ఆ వీడియో (Viral Video) చాలా మందిని ఆకట్టుకుంటోంది.
సాధారణంగా కుక్కలు కోడిని వేటాడి చంపడానికి ప్రయత్నిస్తాయి. కుక్కలను చూస్తే కోళ్లు పరుగులు పెడతాయి. అయితే తాజా వీడియోలో మాత్రం సీన్ రివర్స్ అయ్యింది. తనపై దాడి చేయడానికి వచ్చిన కుక్కను ఓ కోడి ఎదిరించింది. పైకి ఎగిరి కుక్కపై దాడి చేసింది (Hen attacks dog). కొంతసేపటికి కుక్క వెనకడుగు వేసింది. కానీ, కోడి మాత్రం ఊరుకోలేదు. కుక్క పారిపోతున్నా వెంటాడి మరీ దాడి చేసింది. ఈ వీడియో సోషల్ మీడియాలో వైరల్ అవుతోంది. కోడి ధైర్యంపై నెటిజన్లు ప్రశంసలు కురిపిస్తున్నారు.
