Viral News: మందుబాబుల కోసం ఇటలీ ప్రభుత్వం తీసుకువచ్చిన ఒక కొత్త పథకం ఇప్పుడు నెట్టింట హట్‌టాపిక్‌ అవుతోంది. ఇటలీ ప్రవేశపెట్టిన (Italy Introduces) ఈ వినూత్న పథకంపై అక్కడి మందుబాబులు హర్షం వ్యక్తం చేస్తున్నారు. ఇంతకీ కొత్త స్కీమ్ ఏంటో తెలుసా? పీకలదాకా తాగినవాళ్లను ఫ్రీగా ట్యాక్సీలో ఇంటి వద్ద దిగబెట్టడం. అవును మీరు విన్నదే నిజమే. ఈ కొత్త పథకాన్ని ఇప్పటికే ప్రయోగాత్మకంగా నైట్ క్లబ్స్ (Night Clubs) వద్ద అక్కడి ప్రభుత్వం మొదలెట్టింది. దీనికోసం ప్రత్యేకంగా క్యాబ్‌లను ఏర్పాటు చేసింది. పూటుగా తాగినవాళ్లను జాగ్రత్తగా ఇంటి వద్ద దిగబెట్టడమే ఆ క్యాబ్ సర్వీసుల పని. అది కూడా పూర్తి ఉచితంగా ఈ ట్యాక్సీ సర్వీసులు పని చేస్తాయి.

కాగా, డ్రంక్ అండ్ డ్రైవ్ (Drunk and Drive) ప్రమాదాలను నివారించడానికే ఈ నిర్ణయం తీసుకున్నట్లు ప్రభుత్వాధికారులు చెబుతున్నారు. ప్రయోగాత్మకంగా మొదట దేశవ్యాప్తంగా వివిధ నగరాల్లోని ఆరు నైట్ క్లబ్స్ వద్ద క్యాబ్ సర్వీసులను అందుబాటులో ఉంచామని ఈ సందర్భంగా మంత్రి మాలియో సాల్విని వెల్లడించారు. దాంతో ఇటలీ గవర్నమెంట్ ప్రవేశపెట్టిన ఈ కొత్త పథకంపై నెట్టింట అందరూ చర్చించుకుంటున్నారు. కొందరు బాగుందని అంటే.. మరికొందరు మాత్రం ప్రజలను మద్యం తాగేలా ప్రభుత్వమే దగ్గరుండి మరీ ప్రోత్సాహిస్తున్నట్లుందని కన్నెర్ర చేస్తున్నారు.

Heartwarming Video: దేవుడు ఎక్కడో పైనుంచి దిగి రాడండి.. ఇదిగో ఈ కొరియర్ బాయ్‌లాంటి వారి రూపంలో ఆపదలో ఉన్నవారిని ఆదుకుంటుంటాడు..!