Shocking: 20 ఏళ్ల క్రితం అదృశ్యమైన మహిళ హఠాత్తుగా ప్రత్యక్షం.. ఆమె చెప్పింది విని పోలీసులు కూడా షాక్!

జార్ఖండ్‌కు (Jharkhand) చెందిన ఆ మహిళ ప్రస్తుత వయసు 40 ఏళ్లు.. 20 ఏళ్ల క్రితం ఆమె తన కూతురితో సహా అదృశ్యమైంది.. ఆమె భర్త అప్పటికే మరణించాడు.. దాదాపు 20 ఏళ్ల తర్వాత ఆ మహిళ తిరిగి తన స్వగ్రామానికి చేరుకుంది.. ఆమె ఎక్కడికి వెళ్లిందో, ఎందుకు మాయమైందో తెలిసి గ్రామస్థులే కాదు.. పోలీసులు కూడా షాకయ్యారు. ఈ ఘటన స్థానికంగా సంచలనంగా మారింది (Crime News).

జార్ఖండ్‌లోని గిరిది గ్రామానికి చెందిన అఖిల దేవి అనే మహిళ తన ఏడాది వయసున్న కూతురితో కలిసి నివసించేది. అఖిల దేవి కూతురికి ఆరు నెలల వయసు ఉండగా ఆమె భర్త మరణించాడు. దీంతో ఆమె తన ఇల్లు, పొలం చూసుకుంటూ కూతురిని పోషించేది. అయితే చుట్టు పక్కల ఉన్న 8 మంది అఖిల దేవిని, ఆమె కూతురిని కిడ్నాప్ చేసి ముంబై తీసుకెళ్లి 50 వేలకు అమ్మేశారు. గ్రామంలో ఉన్న అఖిల దేవి ఇంటిని, పొలాన్ని స్వాధీనం చేసుకున్నారు. 20 ఏళ్ల పాటు అష్ట కష్టాలు పడిన అఖిల తాజాగా తన గ్రామానికి తిరిగి చేరుకుంది. నేరుగా తన ఇంటికి వెళ్లింది. అయితే అప్పటికే ఆ ఇంట్లో ఉన్న వారు అఖిలను ఇంట్లోకి రానివ్వలేదు.

Uttar Pradesh: నడిరోడ్డుపై మైనర్ బాలుడిని చితక్కొట్టిన మహిళ.. కారణమేంటో తెలిస్తే షాక్ అవ్వాల్సిందే..

అఖిల దేవి పంచాయితీ పెద్దలకు జరిగిన విషయం అంతా చెప్పి న్యాయం చేయాలని కోరింది. పంచాయితీ పెద్దల చొరవతో అఖిల తన ఇంటిని స్వంతం చేసుకుంది. అయితే భూమి ఇచ్చేందుకు మాత్రం వారు నిరాకరించింది. దీంతో అఖిల పోలీసులను ఆశ్రయించి మొత్తం ఘటన వివరించి తనను అమ్మేసిన 8 మందిపై ఫిర్యాదు చేసింది. కేసు నమోదు చేసుకున్న పోలీసులు విచారణ ప్రారంభించారు.