Viral Video: పట్టపగలే దారుణం.. నడివీధిలో ఓ వ్యక్తిపై దాడి చేసిన దొంగలు.. వైరల్ అవుతున్న వీడియో!
ABN , First Publish Date - 2023-04-28T15:35:23+05:30 IST
ఢిల్లీలోని సీలంపూర్ ప్రాంతంలో పట్టపగలే దుండగులు దారుణానికి పాల్పడ్డారు. ఎవరైనా చూస్తారేమో అనే భయం లేకుండా రెచ్చిపోయారు. రోడ్డుపై నడుచుకుంటూ వెళ్తున్న వ్యక్తిపై ఇద్దరు ఆగంతుకులు దాడికి దిగారు.
ఢిల్లీలోని (Delhi) సీలంపూర్ ప్రాంతంలో పట్టపగలే దుండగులు దారుణానికి పాల్పడ్డారు. ఎవరైనా చూస్తారేమో అనే భయం లేకుండా రెచ్చిపోయారు. రోడ్డుపై నడుచుకుంటూ వెళ్తున్న వ్యక్తిపై ఇద్దరు ఆగంతుకులు దాడికి దిగారు. అతడి దగ్గర ఉన్న డబ్బు, మొబైల్ తీసుకుని పారిపోయారు (Man robbed in broad daylight). వారు దొంగతనానికి పాల్పడిన విధానం మొత్తం ఆ ప్రాంతంలోని ఓ ఇంటిపై ఉన్న సీసీటీవీ (CCTV) కెమేరాలో రికార్డు అయింది. ఆ వీడియో సోషల్ మీడియాలో వైరల్ (Viral Video) అవుతోంది.
సీలంపూర్ సమీపంలోని జీ-బ్లాక్‌కు చెందిన రవీందర్ సింగ్ అనే 18 ఏళ్ల యువకుడు రోడ్డుపై నడుచుకుంటూ వెళ్తున్నాడు. మెయిన్‌ రోడ్డుకు చేరుకుంటున్న అతడిని ఓ వ్యక్తి అడ్డుకుని ఎటాక్‌ చేశాడు. అతడిని కదలకుండా బంధించి పక్కనే ఉన్న ఓ అరుగుపైకి లాక్కెళ్లాడు. ఇంతలో మరో వ్యక్తి వచ్చి రవీందర్ జేబులోంచి నగదు, ఇతర వస్తువులను లాక్కున్నాడు. ఆ తర్వాత ఆ దొంగలు ఇద్దరూ పరారయ్యారు. వారిద్దరూ పారిపోయిన తర్వాత బాధితుడు చలనం లేకుండా అక్కడే పడిపోయాడు (Crime News).
Viral Video: రోడ్డు పక్కన ఓ బురదగుంట వద్ద కూర్చుని ఈ యువకుడు ఏం చేస్తున్నాడో చూస్తే గుండె తరుక్కుపోవడం ఖాయం..!
ఈ ఘటన మొత్తం సమీపంలోని ఓ ఇంటిలో అమర్చిన సీసీటీవీ కెమెరాలో రికార్డైంది. స్థానికుల సమాచారంతో అక్కడికి చేరుకున్న పోలీసులు కేసు నమోదు చేసుకుని దర్యాప్తు చేపట్టారు. సీసీ పుటేజీ ఆధారంగా నిందితులను నజీమ్‌, షరాపత్‌గా పోలీసులు గుర్తించారు. బాధితుడి నుంచి ఫిర్యాదు స్వీకరించి దొంగల కోసం గాలిస్తున్నారు.
