జాతీయ జెండాకు అవమానం: పుచ్చకాయలు తుడిచిన యువకుని కోసం పోలీసుల గాలింపు!

ఉత్తరప్రదేశ్‌(Uttar Pradesh)లోని ఝాన్సీ జిల్లాకు చెందిన ఓ వీడియో సోషల్ మీడియాలో వైరల్‌(Viral)గా మారింది. వీడియోలో ఓ యువకుడు జాతీయ జెండా(National flag)తో పుచ్చకాయలపై ఉన్న దుమ్మును శుభ్రం చేస్తున్నాడు. దీన్ని ఎవరో వీడియో తీసి సోషల్ మీడియాలో షేర్ చేశారు.

ఇప్పుడు అది విపరీతంగా వైరల్‌గా మారింది. ఈ నేపధ్యంలో పోలీసులు(police) దర్యాప్తు ప్రారంభించారు. ఈ వీడియోలో పండ్ల దుకాణం వద్ద ఓ యువకుడు జాతీయ జెండాతో పుచ్చకాయలను శుభ్రం చేస్తుండటం స్పష్టంగా కనిపిస్తోంది. కాగా జాతీయ జెండాకు అవమానం జరగడం ఇదే తొలిసారి కాదు. గతంలో ఓ వ్యక్తి తన ద్విచక్ర వాహనాన్ని(two-wheeler) త్రివర్ణ పతాకంతో శుభ్రం చేస్తూ కనిపించాడు. ఈ చర్యకు పాల్పడిన 52 ఏళ్ల వ్యక్తిని ఢిల్లీ పోలీసులు అరెస్ట్ చేశారు.