Marriage: వధూవరులకు కోలుకోలేని షాకిచ్చిన కుక్క.. పెళ్లి కోసం అన్ని ఏర్పాట్లను పూర్తి చేసుకుంటే.. సడన్‌గా..!
ABN , First Publish Date - 2023-08-22T16:32:11+05:30 IST
నేటికాలం యువతీ యువకులు తమ పెళ్ళి ఎక్కడ? ఎలా జరగాలనే విషయాన్ని వారే నిర్ణయిస్తుంటారు. ఏ చిన్న ముచ్చటా మిస్ కాకుండా ప్లానింగ్ చేయించుకుంటారు. పెళ్ళిని జీవితంలో మరిచిపోలేని జ్ఞాపకంగా మార్చుకుంటారు. కానీ ఈ జంటకు మాత్రం పెళ్లి కలలన్నీ కేవలం ఓ కుక్క మూలాన ప్రశ్నార్థకంగా మారాయి.
పెళ్ళి ప్రతి ఒక్కరి జీవితంలో ఎంతో ప్రత్యేకమైనది. నేటికాలం యువతీ యువకులు తమ పెళ్ళి ఎక్కడ? ఎలా జరగాలనే విషయాన్ని వారే నిర్ణయిస్తుంటారు. ఏ చిన్న ముచ్చటా మిస్ కాకుండా ప్లానింగ్ చేయించుకుంటారు. పెళ్ళిని జీవితంలో మరిచిపోలేని జ్ఞాపకంగా మిగుల్చుకుంటారు. అన్ని దేశాలలోనూ పెళ్ళికి ఇంతే ప్రాముఖ్యం ఉంటుంది. కానీ ఓ జంటకు మాత్రం పెళ్ళి పనులు అన్ని పూర్తీ చేసుకున్న తరువాత ఊహించని షాక్ తగిలింది. దీనికి కారణం స్వయానా వారి పెంపుడు కుక్కే కావడం గమనార్హం. కుక్క కారణంగా ఇప్పుడు వారి పెళ్ళి ప్రశ్నార్థకంగా మారింది. అసలింతకీ ఆ కుక్క ఏం చేసిందో, అది పెళ్ళికి ఆటంకంగా ఎలా మారిందో పూర్తీగా తెలుసుకుంటే..
పెళ్లి(Marriage) గురించి ఎంతో ఆసక్తిగా ఎదురుచూసే యువతీయువకులు చాలామందే ఉన్నారు. పెళ్లి ఫిక్స్ అనుకున్నది మొదలు ఎన్నో పనులు చక్కబెట్టుకోవాలి. మన భారతీయులు చేసినన్ని పనులు చేయకపోయినా విదేశీయులు కూడా పెళ్లి ఏర్పాట్లు ముందుగానే ప్లాన్ చేస్తారు. అమెరికాలో(America) ఫ్రాట్టరోలి అనే వ్యక్తి నివసిస్తున్నాడు. ఇతనికి మగ్దా మజారీ అనే మహిళతో వివాహం నిశ్చయమైంది. వీరిద్దరి పెళ్ళి ఆగస్టు 31వ తేదీన జరగాల్సి ఉంది. ఇందుకోసం కాబోయే భార్యాభర్తలు ఇద్దరూ తమ పెళ్లి పత్రికను రిజిష్టర్ చేయించడానికి సిటీ హాల్ కు వెళ్లారు. వీరిద్దరు ఇంటికి తిరగి వచ్చిన తరువాత ఇంట్లో కనిపించిన సీన్ చూసి షాకయ్యాడు. ఫ్రాట్టరోలి ఒకటిన్నర సంవత్సరం వయసు గల గోల్డెన్ రిట్రీవర్ కుక్కను(golden retriever dog) పెంచుతున్నాడు. అతను తన కాబోయే భార్యతో కలసి ఇంటికి చేరుకోగానే ఆ చిలిపి కుక్క ఏవో కాగితాలు నములుతూ కనిపించింది. అవేంటా అని గమనిస్తే కుక్క కు కాసింత దూరంలో అతని పాస్పోర్ట్ కనిపించింది. అది చూడగానే అతని గుండె ఆగినంత పనైంది. కంగారుగా పాస్పోర్ట్ చేతుల్లోకి తీసుకుని చూడగా అందులో ముఖ్యమైన కాగితాలను కుక్క చింపేసి నమిలి మింగేసింది(dog swallow groom passport).
Baby First Haircut: మొట్టమొదటిసారి హెయిర్ కటింగ్.. సెలూన్‌లో ఈ పిల్లాడి రియాక్షన్స్ ఎలా ఉన్నాయో మీరే చూడండి..!
కుక్క చేసిన నిర్వాకంతో వీరి పెళ్లి సందిగ్ధంలో పడింది. ఈ నెల 31వ తేదీన వీరిద్దరి పెళ్లి ఇటలీలో(Italy) జరుగుతోంది. అందుకోసం కాబోయే వధూవరులిద్దరూ తమ కుటుంబ సభ్యులతోపాటు ఇటలీకి వెళ్లాల్సి ఉంది. ఇలాంటి పరిస్థితిలో కుక్క కారణంగా పాస్పోర్ట్ పనికిరాకుండా తయారవడంతో అతను గందరగోళంలో పడ్డాడు. తన పలుకుబడి మేరకు అధికారులు, రాజకీయ నాయకులను కలిసి తన పరిస్థితి విన్నవించుకున్నాడు. చిరిగిపోయిన పాస్పోర్ట్ స్థానంలో కొత్తది పొందడానికి శతవిధాలా ప్రయత్నిస్తున్నాడు. పాస్పోర్ట్ క్లియర్ కాకపోతే తను ఇంట్లోనే ఉండిపోవాల్సి వస్తుందని అతను చెప్పుకొచ్చాడు.
