Viral Video: వధూవరుల తలంబ్రాల సీన్‌లోకి ఎంటరైన కోతి.. అది చేసిన పనికి అందరూ షాక్!

ప్రస్తుతం దేశవ్యాతప్తంగా పెళ్లిళ్ల సీజన్ నడుస్తోంది. భారతీయ సాంప్రదాయ వివాహ వేడుకలు భారీగా, సందడిగా ఉంటాయనే సంగతి తెలిసిందే. అలాంటి భారీ వేడుకల్లో చోటు చేసుకునే ఫన్నీ సంఘటనలు సోషల్ మీడియాలో వైరల్ (Funny Videos) అవుతూ నెటిజన్లను నవ్వుల్లో ముంచెత్తుతున్నాయి. తాజాగా ఓ వివాహానికి (Marriage)సంబంధించిన వీడియో నెట్టింట్లో హల్‌చల్ చేస్తోంది. పెళ్లి సీన్లోకి సడెన్‌గా ఎంట్రీ ఇచ్చిన కోతి (Monkey) అందరికీ షాకిచ్చింది.

వైరల్ అవుతున్న ఆ వీడియోలో.. వివాహ తంతు జరుగుతుండగా అకస్మాత్తుగా ఓ వానరం వివాహ వేదిక వద్దకు వచ్చింది. ఆ సమయంలో వధూవరులు ఒకరిపై ఒకరు తలంబ్రాలు వేసుకుంటున్నారు. నేరుగా వరుడిపైకి ఎక్కిన కోతి తలపై ఉన్న జీలకర్ర, బెల్లంను (cumin and jaggery) తీసుకుంది. ఆ తర్వాత వధువు పైకి దూకి జీలకర్ర, బెల్లం తీసుకుని పారిపోయింది. ఈ షాకింగ్ ఘటన అక్కడున్న వారినందరినీ ఆశ్చర్యంలో ముంచెత్తింది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.