Viral Video: బాబోయ్.. ట్రాక్టర్‌ను ఇలా కూడా నడుపుతారా? షాకింగ్ వీడియోపై నెటిజన్ల ఆగ్రహం!
ABN , First Publish Date - 2023-03-14T16:29:40+05:30 IST
ఓ వ్యక్తి అత్యంత ప్రమాదకరంగా ట్రాక్టర్‌ను నడుపుతూ నెటిజన్లను ఆందోళనకు గురి చేస్తున్నాడు. ఆ వ్యక్తిని గుర్తించి వెంటనే అతడి డ్రైవింగ్ లైసెన్స్ రద్దు చేయాలని నెటిజన్లు కామెంట్లు చేస్తున్నారు.
బైక్‌లు, కార్లతో డేంజరస్ స్టంట్లు చేసి ప్రమాదాలకు గురయ్యే వారిని మనం చాలా మందిని చూస్తుంటాం. అయితే భారీ వాహనాలతో కూడా ప్రమాదకర విన్యాసాలు చేసే వారిని చాలా అరుదుగా చూస్తుంటాం. తాజాగా ఓ వ్యక్తి అత్యంత ప్రమాదకరంగా ట్రాక్టర్‌ను (Tractor) నడుపుతూ నెటిజన్లను ఆందోళనకు గురి చేస్తున్నాడు. ఆ వ్యక్తిని గుర్తించి వెంటనే అతడి డ్రైవింగ్ లైసెన్స్ రద్దు చేయాలని నెటిజన్లు కామెంట్లు చేస్తున్నారు. ఆ వీడియో సోషల్ మీడియాలో వైరల్ అవుతోంది (Viral Video).
వైరల్ అవుతున్న వీడియోలో ఓ వ్యక్తి బాగా లోడ్ అయి ఉన్న ట్రాక్టర్‌ను (Overloaded Tractor) నడుపుతున్నాడు. ట్రక్కు బాగా లోడ్ అయిపోవడంతో దానిని లాగడానికి ఇంజిన్ ఆపసోపాలు పడుతోంది. ఏకంగా ఇంజిన్ ముందు చక్రాలు పైకి లేచిపోయాయి. అయినా డ్రైవర్ అలాగే ట్రాక్టర్‌ను ముందుకు పోనిచ్చాడు. బిజీ రోడ్డు మీద అలా ప్రమాదకరంగా నడపడం ఎంతో మందికి భయం కలిగిస్తోంది. ప్రముఖ వ్యాపారవేత్తలు ఆనంద్ మహీంద్రా (Anand Mahindra), హర్ష్ గోయెంకా (Harsh Goenka) కూడా ఆ వీడియోను ట్విటర్‌లో షేర్ చేశారు.
Viral Video: చెట్టు మీద సూపర్ యాక్షన్ సీన్.. కోతి, చిరుత మధ్య ఛేజింగ్.. చివరకు ఏం జరిగిందో చూడండి..
అలాంటి చర్యలను నిషేధించాలని, ఆ డ్రైవర్ డ్రైవింగ్ లైసెన్స్‌ను రద్దు చేయాలని చాలా మంది కామెంట్లు చేస్తున్నారు. అంత భారీ లోడ్‌తో ఉన్న ట్రాక్టర్‌ను ప్రధాన రహదారిపైకి అనుమతించకూడదని, అలాంటి వాహనాలు ఎన్నో ప్రమాదాలకు కారణమవుతాయని ఆందోళన వ్యక్తం చేస్తున్నారు.
