Viral Video: చిన్నారుల క్యూట్ మ్యాజిక్ ట్రిక్.. వీడియో చూస్తే నవ్వకుండా ఉండలేరు.. నెటిజన్ల రియాక్షన్ ఏంటంటే!

చిన్న వయసులో తోబుట్టువులతో (Siblings) కలిసి ఆడిన ఆటలు జీవితాంతం మధురానుభూతులుగా మిగిలిపోతాయి. అవి గుర్తుకు వచ్చినపుడు మనసు సంతోషంతో నిండిపోతుంది. ప్రస్తుతం వైరల్ అవుతున్న వీడియో (Viral Video) చూస్తే మన చిన్ననాటి సంగతులు గుర్తుకు రాక తప్పదు. ఆ వీడియోలో ఓ అక్క, తమ్ముడు మ్యాజిక్ ట్రిక్ చేయడానికి ప్రయత్నించారు. అయితే అది ఫన్నీగా ఉండి అందరికీ నవ్వు తెప్పిస్తోంది. Harsh Mariwala అనే ట్విటర్ యూజర్ ఈ వీడియోను (Funny Video) షేర్ చేశారు.

వైరల్ అవుతున్న ఆ వీడియోలో.. ఒక చిన్నారి తన సోదరుడి సహాయంతో మ్యాజిక్ ట్రిక్ (Magic Trick) చేయడం చూడవచ్చు. ఆ బాలిక తన తమ్ముడు అదృశ్యమయ్యే ట్రిక్ చూపించాలని అనుకుంది. తమ్ముడి ముందు ఆ చిన్నారి టవల్ ఊపుతుండగా, ఆ కుర్రాడు మోకాళ్లపై పక్కకు వెళ్లిపోయాడు. ఆ బాలిక టవల్ తీసి తన సోదరుడు అదృశ్యమయ్యాడని చెప్పింది. అయితే అప్పటికీ ఆమె సోదరుడు ఫ్రేమ్‌లో కనిపిస్తున్నాడు. దీంతో ఆ అమ్మాయి తన సోదరుడిని ఓ తన్ను తన్నింది.

Men will be Men: పెళ్లి వేదికపైనే పాలు తాగుతూ ఈ వరుడు చేసిన పనికి కడుపుబ్బా నవ్వుకున్న వధువు.. ఈ వీడియోను చూస్తే..!

ఈ వీడియో సోషల్ మీడియాలో వైరల్ అవుతోంది. ఈ క్యూట్ వీడియోను ఇప్పటివరకు 31 లక్షల మంది వీక్షించారు. 4900 మంది లైక్ చేశారు. ఎంతో మంది తమ చిన్న నాటి సంగతులను గుర్తు చేసుకుంటూ కామెంట్లు పెట్టారు. ఆ చిన్నారుల అమాయకత్వం చాలా క్యూట్‌గా ఉందని ఒకరు పేర్కొన్నారు. వీడియో చాలా ఫన్నీగా ఉందని మరొకరు అన్నారు. ఇప్పటివరకు తాను చూసిన వాటిల్లో ఇదే బెస్ట్ మ్యాజిక్ ట్రిక్ అని మరొకరు కామెంట్ చేశారు.