Viral Video: చాలా సంతోషంగా ఉంది బిడ్డా.. తండ్రిని తొలిసారి విమానం ఎక్కించిన కొడుకు.. అతడి రియాక్షన్ ఏంటంటే..

కొడుకు (Son) పుట్టినపుడు కాదు.. అతడు ప్రయోజకుడయ్యాక తండ్రికి (Father) నిజమైన సంతోషం కలుగుతుందని ఓ పద్యంలో గొప్పగా చెప్పారు. అచ్చం అలాగే ఓ యువకుడు తన తండ్రికి నిజమైన సంతోషం కలిగించాడు. పేద కుటుంబంలో పుట్టి బాగా చదువుకుని మంచి ఉద్యోగం సంపాదించుకున్నాడు. అనంతరం తన తండ్రిని బాగా చూసుకుంటున్నాడు. తండ్రి తొలిసారి విమాన ప్రయాణం (First Flight) చేసినపుడు అతడి రియాక్షన్‌ను రికార్డు చేసి సోషల్ మీడియాలో పోస్ట్ చేశాడు. ఆ వీడియో వైరల్ (Viral Video) అవుతోంది.

వీడియోలో కనిపిస్తున్న ఆ కుర్రాడి పేరు జతిన్. వైరల్ అవుతున్న వీడియోలో ఓ మధ్య వయస్కుడు విమానాశ్రయానికి వెళ్లడం, ఢిల్లీ నుంచి ముంబైకి విమాన ప్రయాణం చేయడం, ఓ ఫైవ్‌స్టార్ హోటల్‌లో బస చేయడం కనిపించాయి. ``ఒక కొడుకుగా గర్వంగా ఫీలయ్యే సందర్భం`` అంటూ ఆ వీడియోను జతిన్ తన ఇన్‌స్టాగ్రామ్ ఖాతాలో పోస్ట్ చేశాడు. ఈ ఎమోషనల్ వీడియో (Emotional Video) సోషల్ మీడియాలో బాగా వైరల్ అవుతోంది. ఈ వీడియోను ఇప్పటివరకు 23 వేల మంది లైక్ చేశారు.

Viral Video: అందం చూసి మైమరిపోయాడు.. రన్నరప్ మెడలో గోల్డ్ మెడల్ వేశాడు.. తర్వాత చూసుకుంటే..

ఈ వీడియోను చూసిన వారు చాలా ఎమోషనల్ అవుతున్నారు. ``ఈ వీడియో చూస్తుంటే నాకు కన్నీళ్లు ఆగడం లేదు``, ``నువ్వు జీవితంలో గెలిచావు భయ్యా. నేను కూడా నా తల్లిదండ్రులకు అలాంటి సంతోషాన్నే అందించాలనుకుంటున్నాను``, ``ఈ వీడియో చూస్తుంటే నా తల్లిదండ్రులు గుర్తుకువస్తున్నారు`` అని నెటిజన్లు కామెంట్లు చేస్తున్నారు.