Viral video: రాళ్ల కింద వింత జీవి.. తళతళ మెరుస్తున్న దాని కళ్లు చూసి జనాలు షాక్!
ABN , First Publish Date - 2023-10-19T17:10:12+05:30 IST
ప్రకృతిలో ఎన్ని రహస్యాలు దాగున్నాయనేది మనిషికి ఎప్పటికీ తెలీదేమో. సాంకేతికంగా ఎన్ని అద్భుతాలు సాధించినా, చంద్రుడిపై కాలుమోపినా కూడా తెలుసుకోవాల్సింది మాత్రం ఇంకా మిగిలే ఉంటుందని కొన్ని వైరల్ వీడియోలు అప్పుడప్పుడు మనుషులకు గుర్తు చేస్తుంటాయి. అలాంటి ఓ వీడియో చూసి ప్రస్తుతం జనాలు భయపడుతున్నారు.
ఇంటర్నెట్ డెస్క్: ప్రకృతిలో ఎన్ని రహస్యాలు దాగున్నాయనేది మనిషికి ఎప్పటికీ తెలీదేమో. సాంకేతికంగా ఎన్ని అద్భుతాలు సాధించినా, చంద్రుడిపై కాలుమోపినా కూడా తెలుసుకోవాల్సింది మాత్రం ఇంకా మిగిలే ఉంటుందని కొన్ని వైరల్ వీడియోలు అప్పుడప్పుడు మనుషులకు గుర్తు చేస్తుంటాయి. అలాంటి ఓ వీడియో చూసి ప్రస్తుతం జనాలు భయపడుతున్నారు. వీడియోలోని వింత జీవి ఏంటో అర్థంకాక ఉక్కిరిబిక్కిరవుతున్నారు. వీడియో ఎక్కడ తీసిందీ తెలీదు గానీ నిన్నటి నుంచీ నెట్టింట్లో వీడియో(Viral Video) తెగ ట్రెండ్ అవుతోంది.
Viral: ఇలాంటి కోతి భూప్రపంచంలో మరోటి ఉండదేమో? తాసీల్దార్ ఆఫీసులోకి ఫైళ్లు కనిపించగానే..
వీడియోలో కనిపించిన దాని ప్రకారం, కొందరు వ్యక్తులు ఓ గుహలోకి వెళ్లారు. అప్పటికే వారికి అక్కడ ఓ వింత జీవి ఉన్నట్టు తెలిసిందేమో కానీ వారు లోపల రాళ్ల గుట్టలను కదిలిస్తూ, ఒక్కో రాయినీ పక్కకకు జరుపుతూ వారు వెతకడం ప్రారంభించారు. ఈ లోపు ఓ రాయి పక్కన జరపగా దాని కింద ఓ వింత జీవి క్షణకాలం పాటు కనిపించినట్టే కనిపించి మాయమైంది(Strange creature hiding under rocks).
తొలుత రాయిని వారు పక్కకు జరపగానే అది బయటకు తొంగి చూసే ప్రయత్నం చేసింది. ఈ క్రమంలో తళతళమెరిసే దాని కళ్లు స్పష్టంగా కనిపించాయి. అక్కడి వారు టార్చ్‌లైట్‌ను దానివైపే వేసి మరింత నిశితంగా చూసేందుకు ప్రయత్నించగా అది పక్కకు పారిపోయింది.
Viral: రోడ్డుపై అడ్డంగా పాము..దాని పడగకు తగిలేలా తూపాకీతో కాల్చిన వ్యక్తి.. గురి తప్పడంతో..
దీంతో, అదేంటో అర్థంగాక అక్కడున్న వారు ఆశ్చర్యపోయారు. ఈ వీడియో మొత్తాన్ని వారు కెమెరాలో రికార్డు చేయడంతో ఇది నెట్టింట అడుగుపెట్టి వైరల్‌గా మారింది. ఇక నెటిజన్లు దీనిపై భిన్నాభిప్రాయాలనే వ్యక్తం చేస్తున్నారు. అది మనుషులకు తెలియని వింత జీవి అని చాలా మంది అభిప్రాయపడగా కొందరు మాత్రం ఈ వాదనను కొట్టిపారేసారు. అది ఎలుగుబంటి అని, అక్కడి వారి హడావుడితో దానికి మెళకువ వచ్చిందని చెప్పుకొచ్చారు. జనాల్ని చూడంగానే అక్కడి నుంచి పారిపోయి ఉంటుందని తెలిపారు. అయితే, ఎవరూ నిర్ధారణగా ఏదీ చెప్పలేకపోవడంతో ఈ వీడియో ఓ మిస్టరీగా మారింది. జనాలను ఆశ్చర్యానికి గురి చేస్తూ నెట్టింట చక్కర్లు కొడుతోంది.
Viral: వధువుకు దారుణ అనుభవం.. రిజిస్టర్ మ్యారేజ్ చేసుకునేందుకు వరుడితో కలిసి వెళితే..
