Viral Video: వామ్మో.. ఇతడు మనిషా.. మానవాతీత శక్తా..? ధైర్యంగా ముందుకు వస్తోంటే మొసళ్లే పారిపోయాయ్..!
ABN , First Publish Date - 2023-03-10T14:31:49+05:30 IST
సాధారణంగా మొసళ్లు అంటే ప్రతి ఒక్కరూ భయపడతారు. అందులోనూ నీటిలో ఉండే మొసళ్లను చూసి పెద్ద పెద్ద ఏనుగులే వణుకుతాయి. అలాంటిది నీటిలోనే ఉన్న మొసళ్లను ఓ వ్యక్తి భయపెట్టాడు.
సాధారణంగా మొసళ్లు (Crocodiles) అంటే ప్రతి ఒక్కరూ భయపడతారు. అందులోనూ నీటిలో ఉండే మొసళ్లను చూసి పెద్ద పెద్ద ఏనుగులే వణుకుతాయి. అలాంటిది నీటిలోనే ఉన్న మొసళ్లను ఓ వ్యక్తి భయపెట్టాడు. అతడిని చూసి రెండు మొసళ్లు ప్రాణభయంతో నీటిలోకి దూకేశాయి. ఈ ఘటనకు సంబంధించిన వీడియో సోషల్ మీడియాలో వైరల్ (Viral Video) అవుతోంది. అది ``దేశీ మందు పవర్`` (Desi Liquor power) అంటూ నెటిజన్లు కామెంట్లు చేస్తున్నారు (Crocodile Videos).
@Ankitydv92 అనే ట్విటర్ యూజర్ ఈ వీడియోను సోషల్ మీడియాలో పోస్ట్ చేశారు. ఆ వీడియోలో.. ఓ చెరువు మధ్యలో ఉన్న గట్టుపై రెండు మొసళ్లు సేద తీరుతున్నాయి. చెరువులోకి దిగి మరీ ఓ వ్యక్తి వాటి దగ్గరకు నడుచుకుంటూ వెళ్లాడు. అతడు రావడం చూసి రెండు మొసళ్లు వెంటనే నీటిలోకి దూకేశాయి (Crocodiles jumped into water). ఆ వీడియో చూసి చాలా మంది షాకవుతున్నారు. మొసళ్లనే భయపెట్టాడంటే మనోడు ఫుల్ కిక్‌లో ఉన్నాడని, అందుకే అంత ధైర్యంగా ముందుకెళ్లాడని కామెంట్లు చేస్తున్నారు. ఈ వీడియోకు తక్కువ సమయంలోనే 78 వేల వ్యూస్ వచ్చాయి. ఈ వీడియోపై నెటిజన్లు తమదైన శైలిలో కామెంట్లు చేస్తున్నారు.
