అంబానీని మించిన ఆదాయం.. అదానీని తలదన్నే సంపద... ఈ మహిళ సొంతం!

ఆసియాలోనే అత్యంత సంపన్నుడు ముఖేష్ అంబానీ(mukesh abani). గౌతమ్ అదానీ(Gautham Adani) ఈ జాబితాలో రెండవ స్థానంలో ఉన్నారు. అయితే వారిద్దరి కంటే ఎక్కువ సంపద కలిగిన మహిళ గురించి ఇప్పుడు తెలుసుకుందాం.

ఫోర్బ్స్ రియల్ టైమ్(Forbes Real Time) బిలియనీర్ల జాబితాలో ముఖేష్ అంబానీ 13వ స్థానంలో ఉన్నారు. అతని నికర ఆదాయ విలువ $80 బిలియన్లు. ఆయన ఒక్క రోజులో 1.2 బిలియన్ డాలర్లు సంపాదిస్తున్నారు. గౌతమ్ అదానీ నికర ఆదాయ విలువ 49.7 బిలియన్ డాలర్లు. ముఖేష్ అంబానీ కంటే ఎక్కువ సంపద కలిగిన మహిళ(woman) తన కుటుంబంతో పారిస్‌లో ఉంటున్నారు. ఆమె ఫ్రాన్స్‌ నివాసి.

ఆమె పేరు ఫ్రాంకోయిస్ బెటెన్‌కోర్ట్ మేయర్స్(François Bettencourt Meyers). ఆమె ప్రసిద్ధ సంస్థ L'Oréal వ్యవస్థాపకుని మనుమరాలు. సంస్థలో ఆయనకు, ఆయన కుటుంబానికి 33 శాతం వాటా ఉంది. బెటెన్‌కోర్ట్ మేయర్స్ ఈ కంపెనీకి ఛైర్మన్‌గా వ్యవహరిస్తున్నారు. ఆమె మొత్తం ఆదాయ నికర విలువ 86.3 బిలియన్ డాలర్లు.

బెటెన్‌కోర్ట్ మేయర్ సంపద మార్చి 27 నాటికి $420 మిలియన్లు పెరిగింది. బెటెన్‌కోర్ట్ మేయర్స్‌కు ఇద్దరు పిల్లలు. వారు ప్రపంచ ధనవంతుల జాబితాలో 12వ స్థానంలో ఉన్నారు. కాగా ఈ జాబితాలో ముఖేష్ అంబానీ(Mukesh Ambani) 13వ స్థానంలో ఉన్నారు.