Viral Video: ఇంటి ముందు స్కూటీని పార్క్ చేస్తున్నారా..? ఇలాంటోళ్లు కూడా ఉంటారు జాగ్రత్త.. ఇద్దరు కుర్రాళ్లు ఓ స్కూటీపై వచ్చి..!

ఇంటి ముందు పార్క్ చేసిన స్కూటీని (Scooty) దొంగిలించడానికి ప్రయత్నించి విఫలమైన దొంగలకు (Thieves) సంబంధించిన వీడియో సోషల్ మీడియాలో వైరల్ (Viral Video) అవుతోంది. వారు స్కూటీని దొంగలించలేకపోగా, తమ స్కూటీని కూడా వదిలేసి పారిపోయారు. ఆ ఘటన మొత్తం ఆ ఇంటి ముందు అమర్చిన సీసీటీవీ కెమేరాలో రికార్డు అయింది. ఆ వీడియో (Funny Video) సోషల్ మీడియాలో చాలా మందికి నవ్వు తెప్పిస్తోంది.

వైరల్ అవుతున్న ఆ వీడియోలో నల్లటి స్కూటీపై ఇద్దరు దొంగలు ఓ ఇంటి ముందు ఆగారు. వారిలో ఒకడు ఇంటి గేటు తెరిచి లోపలికి ప్రవేశించి.. లోపల పార్క్ చేసి ఉన్న స్కూటీని బయటకు తీశాడు. పూర్తిగా బయటకు తీసి స్టార్ట్ చేసే లోపల లోపలి నుంచి ఒక వ్యక్తి పరిగెత్తుకుని వచ్చాడు. అతడిని చూసి దొంగ ఆ స్కూటీ వదిలేశారు. అతడు పట్టుకుంటాడని భయపడి తమ స్కూటీని కూడా కింద పడేశారు. అనంతరం తమ స్కూటీని తీసుకునేందుకు ఆ దొంగలు ప్రయత్నించారు.

Viral Video: నెటిజన్లను కట్టిపడేస్తున్న చిన్నారి.. చదివేది యూకేజీయేనట కానీ.. ఈ పిల్ల వేసిన డాన్స్ చూస్తే..!

అప్పటికీ ఆ వీధి నుంచి చాలా మంది ప్రజలు పరిగెత్తుకుంటూ వచ్చి ఆ దొంగలపై దాడి చేయడానికి ప్రయత్నించారు. దీంతో ఆ దొంగలు తమ స్కూటీని కూడా వదిలేసి పారిపోయారు. ఏప్రిల్ 23న ట్విటర్‌లో పోస్ట్ చేసిన ఈ వీడియో చూసి జనాలు నవ్వు ఆపుకోలేకపోతున్నారు. ఇప్పటివరకు ఈ వీడియోకు 25 వేలకు పైగా లైక్స్ వచ్చాయి. నెటిజన్లు తమదైన శైలిలో ఆ వీడియోపై కామెంట్లు చేస్తున్నారు. ``పాపం.. ఆ దొంగలు ఫ్రెషర్స్ అయి ఉంటార``ని ఒక వ్యక్తి కామెంట్ చేశారు.