Shocking Video: ఖర్మ ఫలితం అంటే ఇదేనేమో.. హాయిగా నిద్రపోతున్న పాండాను కావాలని డిస్టర్బ్ చేసిన కుర్రాడు.. చివరకు..

ఇంటర్నెట్ డెస్క్: పాండాలనే ఓ రకమైన ఎలుగుబంట్ల గురించి చాలా మందికి తెలిసే ఉంటుంది. తెలుపు, నలుపు రంగుల్లో ఉండే ఈ పాండాలు చూడటానికి ముద్దొచ్చేలా ఉంటాయి. పూర్తి శాకాహారులైన ఈ జంతువులు భలే అల్లరి చేస్తుంటాయి. చెట్లు ఎక్కి దిగుతూ, అప్పుడప్పుడూ కిందపడిపోతూ చూసేవారికి నవ్వు తెప్పిస్తుంటాయి. పత్తి బంతుల్లాగా ఉండే ఈ జీవాలు సాధారణంగా ప్రశాంతంగానే ఉంటాయి కానీ రెచ్చగొడితే మాత్రం సీన్ మరోలా ఉంటుందని ఓ కుర్రాడు ప్రత్యక్షంగా తెలుసుకున్నాడు. ఇందుకు సంబంధించిన వీడియో ప్రస్తుతం నెట్టింట్లో వైరల్‌గా(Viral Video) మారింది.

Viral Video: వారెవ్వా.. ఏం టెక్నిక్ గురూ.. ఇలాంటి టీచర్లు ఉంటే ఏ సబ్జెక్ట్ అయినా నూటికి నూరు మార్కులు తెచ్చుకోవడం ఖాయం..!

వీడియోలో కనిపించిన దాని ప్రకారం, ఓ పాండా దానిమానాన అది ఓ మూలన పడుకొని ఉంటుంది. పాండాలు సాధారణంగా రోజులో అధికభాగం తింటూనో లేదా రెస్ట్ తీసుకుంటోనో గడిపేస్తాయి. అయితే, పాండాను చూడగానే ఓ కుర్రాడు తుంటరి పనులు మొదలెట్టాడు. తొలుత దాని వద్దకు వెళ్లి చేతితో కదిపే ప్రయత్నం చేశాడు. అది ఒక్క క్షణం కదిలి మళ్లీ తన మానాన తాను నిద్రకు ఉపక్రమించే ప్రయత్నం చేసింది. కానీ మనోడు దాన్ని వదల్లేదు.

ఓ కర్రతో పాండాను మెల్లగా కదిపే ప్రయత్నం చేశాడు. రెండు మూడు సార్లు ఇలాగే చేసేసరికి దానికి పిచ్చి పీక్స్‌కు వెళ్లిపోయింది. ఒక్కసారిగా అది కుర్రాడి మీదకు ఉరికి అతడి కాలు పట్టుకుని కొరకడం ప్రారంభించింది. అతడు దాన్ని వదిలించేందుకు చాలా ప్రయత్నమే చేశాడు కానీ అది మాత్రం అతడిని అంత ఈజీగా వదల్లేదు(Panda attacks guy who pokes it with stick). దీంతో, మనోడికి చుక్కలు కనిపించాయి. కానీ పాండా మరింత తీవ్రంగా దాడి చేసేలోపే కుర్రాడు దాన్ని నుంచి ఎట్టాగొట్టా తప్పించుకుని పారిపోయాడు. అది మళ్లీ అతడి వెంట పడింది కానీ వీడియో అంతటితో ముగిసిపోవడంతో తరువాత ఏం జరిగిందనేది తెలియరాలేదు.

జనాలు మాత్రం ఈ వీడియో చూసి పెద్ద ఎత్తున స్పందిస్తున్నారు. ఖర్మ ఫలితం ఇదే అని ఒకరు కామెంట్ చేస్తే, చెరపకురా.. చెడేవు అని ఇందుకే అంటారంటూ మరొకరు చురకలంటించారు. మూగ జీవాలను ఇబ్బంది పెట్టడం కొందరు సరదాగా భావిస్తుంటారని, వీళ్లకు ఇలాంటి ఘటనలే గుణపాఠమని కొందరు కామెంట్ చేశారు. ఇలా రకరకాల కామెంట్ల మధ్య ఈ వీడియో వైరల్‌గా మారింది.