ఈ- టిక్కెట్, ఐ- టిక్కెట్ అంటే ఏమిటి... ఈ విధమైన రైలు టిక్కెట్ల ప్రయోజనాల్లో తేడాలివే...
ABN , First Publish Date - 2023-04-30T13:24:57+05:30 IST
రైలు ప్రయాణాన్ని చాలామంది ఇష్టపడుతుంటారు. అయితే రైలులో ప్రయాణించాలంటే ముందుగా రిజర్వేషన్(Reservation) చేయించుకోవడం ఉత్తమమని చాలామంది భావిస్తుంటారు.
రైలు ప్రయాణాన్ని చాలామంది ఇష్టపడుతుంటారు. అయితే రైలులో ప్రయాణించాలంటే ముందుగా రిజర్వేషన్(Reservation) చేయించుకోవడం ఉత్తమమని చాలామంది భావిస్తుంటారు. రైళ్లలో ప్రయాణించడానికి ప్రయాణికులు ఆన్‌లైన్‌లో రైలు టిక్కెట్‌లను బుక్ చేసుకోవచ్చు. ఇవి ఈ-టికెట్(E-Ticket) లేదా ఐ-టికెట్ రూపంలో ఉంటాయి. ఈ-టికెట్ అనేది ప్రింటెడ్ టికెట్. అయితే ఐ-టికెట్(I-Ticket) అనేది భారతీయ రైల్వేల తరపున ప్రయాణీకులకు కొరియర్ అవుతుంది.
ఇంతకీ ఈ-టికెట్ అంటే ఏమిటి?
ఈ-టికెట్ అంటే ఎలక్ట్రానిక్ ప్రింటెడ్ టికెట్. ప్రయాణికులు ఈ టిక్కెట్టును వారి సౌలభ్యం(Convenience) ప్రకారం ముద్రించవచ్చు. ఈ-టికెట్లు రైల్వే కౌంటర్‌లో కాకుండా ఇంటి నుండి లేదా ఏదైనా కంప్యూటర్ కేఫ్ నుండి ఆన్‌లైన్‌లో బుక్ అవుతాయి. దీని చెల్లుబాటు రైల్వే బుకింగ్ కౌంటర్ నుండి జారీ అయిన టిక్కెట్టుకు సమానంగా ఉంటుంది. ఈ-టికెట్ ద్వారా ప్రయాణించే ప్రయాణికులు తమ వద్ద ప్రభుత్వ గుర్తింపు కార్డు(Government Identity Card) (ఆధార్ కార్డు) తప్పనిసరిగా ఉంచుకోవాలి.
ఐ-టికెట్ అంటే ఏమిటి?
ఐ-టిక్కెట్ భారతీయ రైల్వేల తరపున ప్రయాణికుల చిరునామాకు కొరియర్ అవుతుంది. అయితే ఈ టికెట్ మీరు IRCTC వెబ్‌సైట్‌లో రిజిస్ట్రేషన్(Registration) సమయంలో మీరు ఇచ్చిన చిరునామాకు రైల్వేశాఖ కొరియర్ ద్వారా పంపుతుంది. ఇటువంటి టికెట్ ప్రయాణీకునికి చేరుకునేందుకు కనీసం 48 గంటలు పడుతుంది.
రెండింటి మధ్య వ్యత్యాసం
ఈ-టికెట్లు.. ఐ-టికెట్ల కంటే కొంచెం చౌకగా ఉంటాయి. కొరియర్ ఖర్చు(Courier cost)ను కవర్ చేయడానికి ఐ-టిక్కెట్‌లో డెలివరీ ఛార్జీ కూడా చేరి ఉంటుంది. ఎవరైనా అదే రోజున ఈ-టికెట్ల బుక్ చేసుకోవచ్చు, ఐ-టికెట్లను రెండు రోజుల ముందుగానే బుక్ చేసుకోవాలి. ఈ-టికెట్ల రద్దు సులభం. ఇది ఆన్‌లైన్‌లో మాత్రమే రద్దు చేయవచ్చు. అయితే ఐ- టిక్కెట్‌ను ఆన్‌లైన్‌లో రద్దు చేయలేం. ఐ- టిక్కెట్‌ను రైల్వే స్టేషన్‌(Railway station)లోని కౌంటర్‌కి వెళ్లి, ఫారమ్‌ను నింపాల్సి ఉంటుంది. అయితే ఈ-టికెట్లలో సీటు, బెర్త్ నిర్ధారణ(Confirmation of berth) అవుతుంది. లేదా RAC జాబితాలో చేరుతుంది.
