ఇంటర్నెట్ డెస్క్: ఇటీవల కాలంలో చిన్న చిన్న గొడవలకే విడిపోవడం, వివాహేతర సంబంధాల నేపథ్యంలో భాగస్వాములను అంతమొందిస్తున్న ఘటనలు తరచూ వార్తల్లో నిలుస్తున్నాయి. కానీ, రాజస్థాన్‌లో జరిగిన ఓ ఘటన ఇందుకు పూర్తి విరుద్ధం. ఇంకా చెప్పాలంటే భర్త ప్రాణాల కోసం యమ ధర్మరాజుతో గొడవపడిన సతీసావిత్ర మళ్లీ పుట్టిందా? అని అనిపిస్తుంది. రోమాలు నిక్కబొడిచే (Goosebumps) ఈ ఘటన గురించి వింటే.. యమునితో పోరాడి భర్త ప్రాణాలను తిరిగి సంపాదించిన సాధ్వి సావిత్రి గుర్తుకురాకమానదు కూడా. అసలేం జరిగిందో తెలియాలంటే సినిమాటిక్ స్టైల్‌లో తన భర్త ప్రాణాలను కాపాడుకున్న ఈ రాజస్థానీ మహిళకు సంబంధించిన ఈ సాహసోపేత కథను చదవాల్సిందే.

అసలేం జరిగిందంటే.. రాజస్థాన్‌లోని కరౌలి జిల్లాలోని (Karauli District of Rajasthan) మాండ్రాయల్ ప్రాంతానికి చెందిన బన్నే సింగ్ (Banne Singh), విమ్లా భార్యభర్తలు. మేకల పెంపకం వారి జీవనాధారం. దాంతో ప్రతిరోజు వాటిని మేత కోసం దగ్గరిలోని అటవీ ప్రాంతానికి తీసుకెళ్తుంటారు. అలాగే చంబల్ నదిలో (Chambal River) వాటిని నీరు తాగిస్తుంటారు. ఈ క్రమంలో రెండు రోజుల కింద ఓ షాకింగ్ ఘటన చోటు చేసుకుంది. ఎప్పటిలానే బన్నే సింగ్ మేకలకు నీరు తాగించిన తర్వాత తాను కాళ్లుచేతులు శుభ్రం చేసుకుందామని చంబల్ నది నీటిలో దిగాడు. అంతే.. అలా దిగిన వెంటనే ఆ నీటిలో ఓ మూలాన నక్కి ఉన్న ఒక మొసలి (Crocodile) ఒక్కసారిగా అతడిని కాలిని పట్టేసింది. దాంతో ఒడ్డున మేకలకు కాపలగా ఉన్న భార్య విమ్లాకు అతడు కేక వేశాడు.

Shocking Video: పాపులర్ అవాలనుకుని.. ప్రాణాల మీదకు తెచ్చుకున్నాడు.. వీడియో తీయండ్రా అంటూ ఫ్రెండ్స్‌కు చెప్పి మరీ..!

వెంటనే పరిగెత్తుకు వచ్చిన విమ్లా.. మొసలి భర్త కాలు పట్టి లోపలికి లాక్కేళ్లడం చూసి.. ఓ పెద్ద కట్టేతో దాని తలపై కొట్టింది. కానీ, ఎంతకు అది బన్నే సింగ్‌ను వదిలిపెట్టలేదు. పైగా ఇంకా లోపలికి తీసుకెళ్లడం చేస్తోంది. దాంతో విమ్లా వెంటనే మొసలి కంట్లో కట్టేతో పోడిచింది. దాని రెండు కళ్ల నుంచి రక్త వచ్చేవరకు అలాగే పోడించింది. చివరకు ఆ నొప్పి తట్టుకోలేని మొసలి బన్నే సింగ్‌ను వదిలి నీటి లోపలికి వెళ్లిపోయింది. దాంతో బన్నే సింగ్ బతుకు జీవుడా అంటూ బయటకు పరుగు తీశాడు. ఆ తర్వాత అతనికి గాయాలు కావడంతో ఆస్పత్రిలో చేరిపించారు. ప్రస్తుతం ఆస్పత్రిలో కోలుకుంటున్న బన్నే సింగ్.. భార్య విమ్లా వల్లే తాను ఇవాళ బతికి ఉన్నానని తెలిపాడు. ఆమె తనకు రెండో జన్మను ప్రసాదించిన దేవత అని అన్నాడు. తన ప్రాణాలను కూడా లెక్క చేయకుండా మొసలితో పోరాడి భర్త ప్రాణాలు నిలబెట్టిన విమ్లాను మాండ్రాయల్ ప్రాంతం వాసులు ప్రశంసలతో ముంచెత్తుతున్నారు. ఈ వార్త కాస్త బయటకు రావడంతో ఇప్పుడు నెట్టింట వైరల్‌గా మారింది.

Wife: మొదటి అంతస్తులోని ఓ గదిలోంచి అరుపులు కేకలు.. తాళాలు పగలగొట్టి చూస్తే ఇనుప గొలుసులతో కనిపించాడో వ్యక్తి.. ఏమైందని అడిగితే..