Viral Video: వారెవ్వా.. నీ తెలివికి హ్యాట్సాఫ్ బాసూ.. చొక్కాతో రెడీమేడ్ ఫ్యాన్‌ను తయారు చేసి ఎలా హ్యాపీగా నిద్రపోతున్నాడో చూడండి..!

అవసరమే నూతన ఆవిష్కరణలకు (Invention) పునాది అని ఓ సామెత. తమకు అత్యంత అవసరమైన వాటి కోసం కొందరు తమ బ్రెయిన్‌ను ఉపయోగించి సరికొత్త ఆవిష్కరణలు చేస్తారు. తాజాగా వైరల్ అవుతున్న వీడియోను (Viral Video) చూస్తే ఆ సామెత ఎంత నిజమో అర్థమవుతోంది. ప్రస్తుతం దేశవ్యాప్తంగా ఎండలు ఓ రేంజ్‌లో ఉన్నాయి. ఎండలు ఎంత ఎక్కువగా ఉన్నా కార్మికులు పనిలోకి వెళ్లి చెమటోడ్చాల్సిందే. అక్కడ ఫ్యాన్‌లు, ఏసీలు ఉండవు. ఎండ వేడిని తట్టుకునేందుకు ఓ కార్మికుడు సరికొత్తగా ఆలోచించాడు.

నిర్మాణంలో ఉన్న భవనంలో పడుక్కున్నాడు. తనకు గాలి తగలకపోవడంతో డ్రిల్లింగ్ మెషిన్‌కు (Drilling Machine) తన షర్టును తగిలించాడు. డ్రిల్లింగ్ మెషిన్‌ను ఆన్ చేయగానే ఆ షర్టు ఫ్యాన్‌లా (Fan) చుట్టూ తిరగడం మొదలుపెట్టింది. దాని కింద పడుక్కున్న అతడికి గాలి తగులుతోంది. సోషల్ మీడియాలో వైరల్ అవుతున్న ఈ వీడియో చూసి చాలా మంది ఆశ్చర్యపోతున్నారు. తన అవసరం తీరేందుకు అప్పటికప్పుడు షర్టుతో రెడీమేడ్ ఫ్యాన్ తయారు చేసుకున్న అతడి ప్రతిభపై ప్రశంసలు కురిపిస్తున్నారు (Man made a fan with a drilling machine).

Viral Video: ఈ కుర్రాళ్ల క్రియేటివిటీకి అవాక్కైన Harsh Goenka.. పనికి రాని వస్తువుల నుంచే ఏడుగురు కూర్చునే ఈ బైక్..!

civilengineeriing అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. ఈ వీడియోను ఇప్పటివరకు కోటి మందికి పైగా వీక్షించారు. దాదాపు 4 లక్షల మంది ఈ వీడియోను లైక్ చేశారు. ``అతడు నిజమైన ఇంజినీర్`` అని ఒక వ్యక్తి కామెంట్ చేశాడు. ఒకవేళ ఆ యంత్రం కింద పడిపోతే చాలా పెద్ద ప్రమాదం వాటిల్లుతుందని కొందరు ఆందోళన వ్యక్తం చేశారు.