అది ప్రపంచంలోనే అత్యంత ప్రమాదకరమైన నది... పొరపాటున దానిలో కాలు పెట్టినా... అంతే సంగతులు...!
ABN , First Publish Date - 2023-05-01T07:41:01+05:30 IST
నదులు మనిషికి ప్రాణాధారమని భావిస్తుంటారు. అయితే దీనికి భిన్నంగా ఒక నది ఉంది. అది అత్యంత ప్రమాదకరమైనదిగా(Most dangerous) పేరొందింది. ఆ నదికి సంబంధించిన వివరాలు ఇప్పుడు తెలుసుకుందాం.
నదులు మనిషికి ప్రాణాధారమని భావిస్తుంటారు. అయితే దీనికి భిన్నంగా ఒక నది ఉంది. అది అత్యంత ప్రమాదకరమైనదిగా(Most dangerous) పేరొందింది. ఆ నదికి సంబంధించిన వివరాలు ఇప్పుడు తెలుసుకుందాం. ఈ విచిత్రమైన నది దక్షిణ అమెరికాలోని అమెజాన్ బేసిన్లో ప్రవహిస్తుంది. దీని పేరు షానయ్-టింపిష్కా(Shanay-Timpishka), దీనిని లా బొంబా అని కూడా పిలుస్తారు.
ఈ నదిలోని నీరు ఎంత వేడిగా ఉంటుందంటే ఏ ప్రాణి అయినా అందులో పడితే వెంటనే చనిపోవాల్సిందే. 6.4 కిలోమీటర్ల పొడవు, 82 అడుగుల వెడల్పు, దాదాపు 20 అడుగుల లోతున్న ఈ నదిని 2011లో కనుగొన్నారు. ఇది ప్రపంచంలోని ఏకైక ఉడుకుతున్న నది(Boiling River) అని కూడా పిలుస్తారు. మీడియా దగ్గరున్న సమాచారం ప్రకారం ఆండ్రీస్ రుజో అనే యువకుడు తన తాత చెప్పిన కథ విని, అనంతరం తన పరిశోధనతో ఈ నదిని కనుగొన్నాడు.
ఆండ్రీస్ రుజో(Andries Ruzo) ఆ నదిని కనుగొనడానికి బయలుదేరినప్పుడు చుట్టుపక్కల జనం అతనిని ఎగతాళి చేశారు. అలాంటి నది ఎక్కడా ఉండదని ఆయనకు చెప్పారు. కానీ రుజో వారి మాటలను పట్టించుకోలేదు. ఎలాగోలా ఆ నదిని కనుగొన్నాడు. ఈ నదిలోని నీరు 100 డిగ్రీల సెల్సియస్ ఉష్ణోగ్రతతో(temperature) ఉడుకుతుందని చెబుతారు. అంటే పొరపాటున ఈ నదిలో పడిపోతే మరణం ఖాయం అని చెప్పవచ్చు.
ఆండ్రీస్ తన పుస్తకం ‘ది బాయిలింగ్ రివర్: అడ్వెంచర్ అండ్ డిస్కవరీ ఇన్ ది అమెజాన్’('The Boiling River: Adventure and Discovery in the Amazon')లో ఈ నదిలోని నీరు వేడి నీటి బుగ్గ నుండి బయటకు ఉబికి వస్తుందని, అందుకే అది చాలా వేడిగా ఉంటుందని తెలిపాడు. ఈ నది నీరు ఎంత వేడిగా ఉంటుందంటే ఈ నీటితో క్షణాల్లో టీ(tea) తయారు చేసుకోవచ్చు.
