సాంకేతికత పెరుగుతున్న కారణంగా రోజు రోజుకూ కొత్త పుంతలు తొక్కుతున్నారు జనం కూడా. అయితే ఇంటర్నెట్ వాడటం వచ్చాకా అందులోని యాప్స్ ద్వారా ప్రతి ఒక్కరూ వయసుతో బేధం లేకుండా ఏదోటి చెప్పాలని చూస్తున్నారు. దీనిలో భాగంగా ఈ మధ్య కాలంలో ఎక్కువగా ప్రాచుర్యంలో ఉన్న ట్రెండ్ ఫ్రాంక్ చేయడం. ఉన్నది లేనట్టు, లేనిది ఉన్నట్టుగా చూపిస్తూ, ప్రతి ఒక్కరినీ నవ్వించడమో, భయపెట్టడమో, ఆశ్చర్యపరిచేలా చేయడమో ఇలా ఏదో ఒకటి చేస్తూ ఇన్ట్రాగ్రామ్ లో కనిపిస్తున్నారు. అయితే అలాంటి వీడియోనే ఒకటి ఇప్పుడు సోషల్ మీడియాలో వైరల్ అవుతుంది. అయితే ఇది ఎవరో తెలియని వాళ్ళు చేసిన వీడియో అయితే మాత్రం కాదు. విషయంలోకి వెళితే..

అమ్మను ఆట పట్టించడం, చెల్లిని, తమ్ముడిని ఏడిపించడం మామూలుగా అంతా చేస్తారు. కానీ తండ్రి జోలికి మాత్రం వెళ్ళరు. దీనికి భయం కూడా కారణం కావచ్చు. పిల్లలు తల్లిదండ్రులమీద అంత త్వరగా జోక్స్ వేయరు. అయితే ఈ అబ్బాయి కాస్త ఆ హద్దులు దాటేసాడు. కన్న తండ్రి మీద ఫ్రాంక్ చేసేందుకు సాహసించాడు.

సోషల్ మీడియాలో వైరల్ అవ్వాలంటే కంటెంట్ కూడా అంతే బలంగా, ఫన్నీగా ఉండాలనుకున్నాడు. కాకపోతే తండ్రి దీనిని ఎలా తీసుకుంటాడోననే భయం అయితే ఉంది. మొత్తానికి తెగించేసాడు. తండ్రీ కొడుకులు ఇద్దరూ కలిసి టీవీ చూస్తున్న సమయంలో ఇద్దరూ టీవిలో మునిగిపోయి ఉన్నటైంలో కొడుకు మందుబాటిల్ తీసుకుని వచ్చి ఓపేన్ చేసి పెగ్ కలుపుతున్నాడు. అది చూసి ఆశ్చర్యపోయాడు తండ్రి ఏం చేయాలో తెలీలేదు. పట్టరాని కోపంతో ఊగిపోతూ.. కొడుకు మీదకు కుర్చీ ఎత్తేసాడు.

ఇది కూడా చదవండి: ఎన్నిసార్లు శుభ్రం చేసినా.. ఇంట్లో ఎప్పుడూ దుమ్ము కనిపిస్తూనే ఉందా..? ఈ టెక్నిక్‌ను పాటిస్తే నెలంతా..!

ఈ వీడియో ఇప్పుడు సోషల్ మీడియాలో వైరల్ అయింది. ఇన్‌స్టాగ్రామ్‌లోని 'రీల్ వరల్డ్'లో చాలా వైరల్ అయింది. చిలిపిగా మొదలుపెట్టిన వీడియో తండ్రి కోపంతో ఎండ్ అయింది. నాన్న కోప్పడకు.. అటు కెమెరా వైపు చూడు నేనేదో సరదాగా చేసానంతే అనే సరికి నాన్న కాస్త ఆశ్చర్యపడుతూ కోపాన్ని తగ్గించుకుని నవ్వేసాడు.

ఈ చిలిపి వీడియోని ఇన్‌స్టాగ్రామ్ లో Prank with Papa అని రాసింది. దీనిని ఇప్పటికే 12.7 మిలియన్ (1 కోటి కంటే ఎక్కువ) వ్యూస్, 13 లక్షల లైక్స్ వచ్చాయి. అలాగే, 8 వేల మందికి పైగా వినియోగదారులు కూడా కామెంట్ చేశారు.