IPL 2023: చెన్నైపై టాస్ గెలిచిన కోల్‌కతా.. మళ్లీ గాడిలో పడేనా?

కోల్‌కతా: చెన్నై సూపర్ కింగ్స్‌(Chennai Super Kings)పై టాస్ గెలిచిన కోల్‌కతా నైట్ రైడర్స్(Kolkata Knight Riders) బౌలింగ్ ఎంచుకుంది. బ్యాటింగ్, బౌలింగ్, ఫీల్డింగ్ విభాగాల్లో దృష్టిసారిస్తే ఫలితం తమకు అనుకూలంగా వస్తుందని కేకేఆర్ కెప్టెన్ నితీశ్ రాణా అన్నాడు. ఆ జట్టు రెండు మార్పులతో బరిలోకి దిగుతోంది.

లిటన్ దాస్ స్థానంలో డేవిడ్ వీజ్, మణ్‌దీప్ స్థానంలో జగదీశన్ జట్టులోకి వచ్చారు. ఇప్పటి వరకు ఆరు గేమ్స్ ఆడిన కేకేఆర్ రెండు విజయాలు మాత్రమే సాధించి పాయింట్ల పట్టికలో కింది నుంచి మూడో స్థానంలో ఉంది. ఈ మ్యాచ్‌లో విజయం సాధించడం ద్వారా పాయింట్ల పట్టికలో పైకి ఎగబాకాలని, తిరిగి గెలుపు బాట పట్టాలని కేకేఆర్ పట్టుదలగా ఉంది.

మరోవైపు, ఆరు మ్యాచ్‌లు ఆడిన ధోనీ సారథ్యంలోని చెన్నై జట్టు నాలుగింటిలో విజయం సాధించి పై నుంచి మూడో స్థానంలో ఉంది. ఈ మ్యాచ్‌లో గెలిస్తే చెన్నై టాప్ ప్లేస్‌కు చేరుకునే అవకాశం ఉంది.