India vs Australia 2nd Test: పెవిలియన్ బాటపట్టిన టాప్ ఆర్డర్..కష్టాల్లో టీమిండియా..

India vs Australia 2nd Test: బోర్డర్-గావస్కర్ ట్రోఫీ(Border-Gavaskar Trophy)లో టీమిండియా జట్టు(Team India) పీకల్లోతూ కష్టాల్లో కూరుకుపోయింది. ఢిల్లీ వేదికగా ఆస్ట్రేలియాతో జరుగుతున్న రెండో టెస్టులో భారత్ కష్టాల్లో ఉంది. ఆస్ట్రేలియా(Australia) బౌలర్లు విజృంభిస్తుండటంతో 60 పరుగులకే నాలుగు వికెట్లను కోల్పోయింది. ఓవర్ నైట్ స్కోర్ 21-0తో ప్రారంభించిన భారత్‎కు ఆరంభంలో గట్టిషాక్ తగిలింది. ఈసారైనా తన సత్తాచాటుతాడనుకున్న రాహుల్ (17) మరోసారి నిరాశపరిచాడు. నాథన్ బౌలింగ్‎లో ఎల్బీడబ్ల్యూగా వెనుతిరిగాడు. ఇక తొలి టెస్టులో సెంచరీతో కదం తొక్కిన కెప్టెన్ రోహిత్ శర్మ(Captain Rohit Sharma) (32) నాథన్ బౌలింగ్‎లో క్లీన్ బౌల్డయ్యాడు. దీంతో భారత్ 53 పరుగులకే కీలకమైన రెండు వికెట్లు కోల్పోయింది. టెస్టు కెరీర్‎(Test career)లో 100వ టెస్టు ఆడుతున్న పుజారా కూడా నిరాశపరిచాడు. ఖాతా తెరవకుండానే పెవిలియన్ బాటపట్టాడు. గాయంతో తొలి టెస్టుకు దూరమైన శ్రేయాస్ అయ్యర్ (4) సింగిల్ డిజిట్‎కే పరిమితం కావడంతో టీమిండియా 66 పరుగులకే కీలకమైన నాలుగు వికెట్లు కోల్పోయి కష్టాల్లో ఉంది. ప్రస్తుతం భారత్ స్కోర్ 74/4 ఉండగా..క్రీజులో విరాట్ కోహ్లీ (12), రవీంద్ర జడేజా (3) క్రీజులో కొనసాగుతున్నారు.ఇంకా టీమిండియా జట్టు 189 వెనుకబడి ఉంది.