Rohan Bopanna: డేవిస్ కప్ చివరి మ్యాచ్ ఆడేందుకు ప్లాన్ చేస్తున్నా
ABN , First Publish Date - 2023-06-21T21:22:41+05:30 IST
భారత టెన్నిస్ క్రీడాకారుడు రోహన్ బోపన్న (Rohan Bopanna) ఈ సంవత్సరం సెప్టెంబర్‌లో జరగనున్న డేవిస్ కప్‌తో (Davis Cup) కెరీర్‌ను ముగించనున్నట్లు ప్రకటించాడు.
భారత టెన్నిస్ క్రీడాకారుడు రోహన్ బోపన్న (Rohan Bopanna) ఈ సంవత్సరం సెప్టెంబర్‌లో జరగనున్న డేవిస్ కప్‌తో (Davis Cup) తన కెరీర్‌ను ముగించనున్నట్లు ప్రకటించాడు. బెంగళూరులో వీడ్కోలు గేమ్ ఆడాలనుకుంటున్నానని తెలిపాడు. సెప్టెంబర్‌లో జరిగే వరల్డ్ గ్రూప్ II టైలో మొరాకోతో భారత్ ఆడాల్సి ఉంది.
2002లో డేవిస్ కప్‌లో అరంగేట్రం చేసిన 43 ఏళ్ల బోపన్న ఇప్పటికీ ఏటీపీ టూర్‌లో పటిష్టమైన టెన్నిస్ ఆడుతున్నాడు. ఇండియా తరుపున 32 టైలు ఆడాడు. సెప్టెంబరులో తన చివరి డేవిస్ కప్ మ్యాచ్ ఆడేందుకు ప్లాన్ చేస్తున్నానని బోపన్న లండన్ నుంచి పిటిఐకి తెలిపాడు.
