WTC Final Australia vs India: అర్థ సెంచరీతో ఆసీస్‌ను ఆదుకున్న హెడ్.. టీ విరామ సమయానికి భారీ స్కోర్..

లండన్: ఐసీసీ వరల్డ్ టెస్ట్ ఛాంపియన్‌షిప్ ఫైనల్‌ (ICC World Test Championship Final) Day 1లో భాగంగా తొలి సెషన్‌లో 2 వికెట్లు కోల్పోయిన ఆస్ట్రేలియా జట్టు భోజన విరామం సమయానికి 23 ఓవర్లలో 73 పరుగులు చేసింది. భోజన విరామం అనంతరం రెండో సెషన్ ప్రారంభంలోనే మూడో వికెట్ కోల్పోయిన ఆస్ట్రేలియా జట్టు నిలకడగా ఆడుతోంది. ప్రస్తుతం ఆసీస్ టీ విరామం సమయానికి 51 ఓవర్లలో 170 పరులు చేసింది. ట్రావిస్ హెడ్ 75 బంతుల్లో 60 పరుగులు చేశాడు. స్టీవెన్ స్మిత్ 102 బంతుల్లో 33 పరుగులు చేశాడు. ప్రస్తుతం స్టీవెన్ స్మిత్, ట్రావిస్ హెడ్ క్రీజులో ఉన్నారు.

రెండో సెషన్ ప్రారంభంలోనే ఆస్ట్రేలియా (Australia) జట్టుకు భారత (India) బౌలర్ షమీ షాక్ ఇచ్చాడు. షమీ బౌలింగ్‌లో మార్నస్ లాబుషేన్ బౌల్డ్ అయ్యాడు. మార్నస్ లాబుషేన్ 62 బంతుల్లో 26 పరుగులు చేశాడు. 24.1 ఓవర్ల వద్ద ఆస్ట్రేలియా 76 పరుగులు చేసి మూడో వికెట్ కోల్పోయింది.

60 బంతుల్లో డేవిడ్ వార్నర్ 43 పరుగులు చేశాడు. ఠాకూర్ బౌలింగ్‌లో శ్రీకర్ భరత్‌కు క్యాచ్ ఇచ్చి వార్నర్ ఔటయ్యాడు. ఉస్మాన్ ఖవాజా 10 బంతులు ఆడి పరుగులు రాబట్టకపోగా.. సిరాజ్ బౌలింగ్‌లో శ్రీకర్ భరత్‌కు క్యాచ్ ఇచ్చి వెనుదిరిగాడు.