Jio: యూజర్లు ఎవరికీ తెలియకుండా డేటాను భారీగా తగ్గించిన జియో!.. ఈ విషయం యూజర్లకు తెలిస్తే....

ముంబై: ప్రముఖ టెలి కమ్యూనికేషన్ సంస్థ రిలయన్స్ జియో (Reliance Jio) తమ వినియోగదారులకు షాక్ ఇచ్చింది. కస్టమర్లకు తెలియకుండానే డేటాను రిలయన్స్ జియో భారీగా తగ్గించింది. జియో రూ. 61 ప్లాన్ డేటా (data) పరిమితి 10జీబీ నుంచి 6జీబీకి తగ్గిపోయింది. రూ. 61 ప్లాన్ డేటా మొత్తాన్ని 10జీబీకి పెంచిన కొద్ది రోజులకే దాని మునుపటి పరిమితి 6జీబీకి తగ్గించింది.

జియో ప్రారంభంలో రూ. 61 ప్లాన్‌తో వినియోగదారులకు 6జీబీ డేటాను ఆఫర్ చేసింది. ఇది ప్రీపెయిడ్ ప్లాన్ పైన అందించే డేటా వోచర్. కొన్ని రోజుల క్రితం జియో ఈ ప్లాన్‌తో అందించే డేటాను 6జీబీ నుంచి 10జీబీకి పెంచింది. అయితే జియో మరోసారి ఈ ప్లాన్‌తో అందించే అదనపు డేటాను ఉపసంహరించుకుంది. అయితే ఇది పొరపాటునా జరిగిన పనా... లేదా ప్రయోగమా అనేది అస్పష్టంగా ఉంది.