TS Assembly polls: కొత్తపల్లిలో కాంగ్రెస్ అభ్యర్థి సమావేశంలో ప్రమాదం
ABN , First Publish Date - 2023-11-06T15:59:41+05:30 IST
జిల్లాలోని జమ్మికుంట పరిధిలోని కొత్తపల్లిలో కాంగ్రెస్ అభ్యర్థి ఒడితల ప్రణవ్ సమావేశంలో స్వల్ప ప్రమాదం చోటు చేసుకుంది.
కరీంనగర్: జిల్లాలోని జమ్మికుంట పరిధిలోని కొత్తపల్లిలో కాంగ్రెస్ అభ్యర్థి ఒడితల ప్రణవ్ (Congress candidate Oditala Pranav) సమావేశంలో స్వల్ప ప్రమాదం చోటు చేసుకుంది. ఎన్నికల ప్రచారంలో భాగంగా మహిళల మధ్యలో నిల్చొని ప్రణవ్ మాట్లాడుతుండగా ఒక్కసారిగా టపాసులు వచ్చి పడ్డాయి. ఈ ఘటనలో ఇద్దరు మహిళలతో పాటు మీడియా మిత్రులకు స్వల్ప గాయలయ్యాయి. ఈ ఘటనతో సమావేశంలో ఒక్కసారిగా గందరగోళ పరిస్థితి నెలకొంది. టపాసులు కాల్చిన వారిపై ప్రణవ్ ఆగ్రహం వ్యక్తం చేశారు. ఇలాంటి సంఘటనలు జరుగకుండా చూసుకుంటానని ప్రణవ్ హామీ ఇచ్చారు.
