T.Assembly polls: మూడు స్థానాల్లో పోటీకి సీపీఐఎంఎల్ న్యూడెమోక్రసీ పార్టీ రెడీ

ఖమ్మం: తెలంగాణ అసెంబ్లీ ఎన్నికల్లో (Telangana Assembly Elections) మూడు స్థానాల్లో సీపీఐఎంఎల్ న్యూడెమోక్రసీ పార్టీ (CPIML New Democracy Party) పోటీ చేయనున్నట్లు ఆ పార్టీ రాష్ట్ర కార్యదర్శి పోటు రంగారావు (CPIML New Democracy Party leader Potu Rangarao) ప్రకటించారు. శనివారం మీడియాతో మాట్లాడుతూ... సూర్యాపేట, ఆశ్వారావుపేట, సత్తుపల్లిలో పోటీ చేస్తున్నామన్నారు. ఇల్లందులో గుమ్మడి అనురాధ స్వతంత్ర అభ్యర్థిగా పోటీలో ఉన్నారని.. ఆమెకు తాము మద్దతు తెలుపుతున్నామని చెప్పారు. దేశంలో రాజ్యాంగ వ్యవస్థలన్నీ నాశనం అవుతున్నాయన్నారు. ఈ ఎన్నికల్లో సీపీఐ ఎంఎల్ ప్రజాపంథా పార్టీ ఒంటరిగా ఎవరితో పొత్తు లేకుండా ఎన్నికలకు వెళ్తుందని వెల్లడించారు. బీజేపీ దాని అనుబంధ పార్టీలు బీఆర్ఎస్, ఎంఐఎంలను ఒడించడమే తమ లక్ష్యమన్నారు. తాము పోటీ చేయని స్థానాల్లో కూడా బీజేపీ, బీఆర్ఎస్ పార్టీలకు వ్యతిరేకంగా ప్రచారం చేస్తామని పోటు రంగారావు పేర్కొన్నారు.