Telangana Elections: ఓటర్లతో డీఎస్పీ సత్యనారాయణ దురుసు ప్రవర్తన
ABN , First Publish Date - 2023-11-30T10:36:23+05:30 IST
Telangana Polls: మహబూబాబాద్ జిల్లా కురవి మండలం పెద్దతండా పోలింగ్ కేంద్రం వద్ద ఉద్రిక్తత నెలకొంది. పోలింగ్ కేంద్రం వద్ద ఓటర్లతో డీఎస్పీ సత్యనారాయణ దురుసుగా ప్రవర్తించారు.
Telangana Polls: మహబూబాబాద్ జిల్లా కురవి మండలం పెద్దతండా పోలింగ్ కేంద్రం వద్ద ఉద్రిక్తత నెలకొంది. పోలింగ్ కేంద్రం వద్ద ఓటర్లతో డీఎస్పీ సత్యనారాయణ దురుసుగా ప్రవర్తించారు. ఓటు హక్కును వినియోగించుకునేందుకు పోలింగ్ కేంద్రానికి వచ్చిన ఓ వికలాంగుడిని క్యూ లైన్‌లో రావాలని డీఎస్పీ ఆదేశించారు. తాను వికలాంగుడిని కనుక తనకు క్యూలైన్‌లో కాకుండా నేరుగా వెళ్లి ఓటు వేసేందుకు అవకాశం కల్పించాలని అభ్యర్థించాడు. అయితే, వికలాంగుడి అభ్యర్థనను తిరస్కరించడమేకాకుండా అతనిపై చిందులు తొక్కారు. కోపోద్రిక్తుడైన డీఎస్పీ సత్యనారాయణ.. 'నీ ఓటు వేయకున్నా పర్వాలేదు వెళ్ళు' అంటూ వికలాంగుడిపై ఆగ్రహంతో ఊగిపోయారు. దీంతో డీఎస్పీ తీరుపై విమర్శలు వెల్లువెత్తుతున్నాయి. విగకలాంగుడని కూడా చూడకుండా ఇలా ప్రవర్తించడమేంటని అక్కడివారు దుమ్మెత్తిపోస్తున్నారు.
