Congress: ముగిసిన కాంగ్రెస్ స్క్రీనింగ్ కమిటీ సమావేశం.. తెలంగాణ కాంగ్రెస్ అసెంబ్లీ అభ్యర్థుల జాబితా ఖరారు?

న్యూఢిల్లీ: ఢిల్లీలో కాంగ్రెస్ స్క్రీనింగ్ కమిటీ (Congress Screening Committee) సమావేశం ముగిసింది. 5 గంటలపాటు ఈ సమావేశం జరిగింది. రెండు రోజుల పాటు కాంగ్రెస్ స్క్రీనింగ్ కమిటీ సమావేశం సుదీర్ఘంగా కొనసాగింది. తెలంగాణ (Telangana) కాంగ్రెస్ అసెంబ్లీ అభ్యర్థుల జాబితా దాదాపు పూర్తయినట్లు తెలుస్తోంది.

అభ్యర్థుల ఎంపికలో సర్వే రిపోర్ట్, సామాజిక వర్గం, బలమైన అభ్యర్థి అంశాలపై స్క్రీనింగ్ కమిటీ సమావేశంలో చర్చించారు. ఏకాభిప్రాయంతో 60 శాతం పైగా అభ్యర్థులను ఖరారు చేసినట్లు తెలుస్తోంది. పూర్తి జాబితాను కాంగ్రెస్ పార్టీకి, కేంద్ర ఎన్నికల కమిటీకి కాంగ్రెస్ స్క్రీనింగ్ కమిటీ సిఫార్సు చేసింది.