Hyderabad: ఎల్బీనగర్ వద్ద కారు బీభత్సం
ABN , Publish Date - Dec 17 , 2023 | 08:36 AM
హైదరాబాద్: ఎల్బీనగర్‌లోని చింతలకుంట వద్ద బీఎండబ్ల్యూ కారు బీభత్సం సృష్టించింది. ముందు వెళ్తున్న వ్యాగనార్ కారుని వెనుక నుంచి అతివేగంతో వచ్చిన బీఎండబ్ల్యూ కారు అదుపతప్పి బలంగా ఢీ కొట్టింది.
హైదరాబాద్: ఎల్బీనగర్‌లోని చింతలకుంట వద్ద బీఎండబ్ల్యూ కారు బీభత్సం సృష్టించింది. ముందు వెళ్తున్న వ్యాగనార్ కారుని వెనుక నుంచి అతివేగంతో వచ్చిన బీఎండబ్ల్యూ కారు అదుపతప్పి బలంగా ఢీ కొట్టింది. ఈ ప్రమాదంలో మల్లేష్ అనే వ్యక్తి అక్కడికక్కడే మృతి చెందగా.. మరో ముగ్గురు తీవ్రంగా గాయపడ్డారు.
బీఎండబ్ల్యూ కారు హయత్‌నగర్ నుంచి ఎల్బీనగర్ వైపు వస్తుండగా ఈ ప్రమాదం జరిగింది. నందన్ అనే వ్యక్తి కార్‌ను అతివేగంగా నడపడంవల్లే ప్రమాదం జిరిగినట్లు స్థానికులు చెబుతున్నారు. అయితే ఎయిర్ బెలూన్స్ తెరుచుకోవడంతో స్వల్ప గాయాలతో నందన్ బయటపడ్డారు. సమాచారం అందుకున్న పోలీసులు సంఘటనా ప్రదేశానికి చేరుకుని క్షతగాత్రులను ఆస్పత్రికి తరలించి, కేసు నమోదు చేసి దర్యాప్తు ప్రారంభించారు. క్షతగాత్రులు ప్రైవేట్ ఆస్పత్రిలో చికిత్స పొందుతున్నారు. పూర్తి సమాచారం తెలియాల్సి ఉంది.
