Motkupalli: కాంగ్రెస్ గెలిస్తే రేవంతే ముఖ్యమంత్రి

హైదరాబాద్: మాజీ మంత్రి మోత్కుపల్లి నరసింహులు (Motkupalli Narasimhulu) సంచలన వ్యాఖ్యలు చేశారు. కాంగ్రెస్ అధికారంలోకి వస్తే రేవంత్ రెడ్డి ముఖ్యమంత్రి అవుతారని మోత్కుపల్లి జోస్యం చెప్పారు. ఆయన మీడియాతో మాట్లాడారు. ‘‘రేవంత్ రెడ్డి నాయకత్వంలో కాంగ్రెస్ అధికారంలోకి రాబోతుంది. ఎవరు కాదన్నా.‌.. రేవంత్ రెడ్డి వలనే కాంగ్రెస్ బలపడింది. తెలంగాణ ఇచ్చింది సోనియాగాంధీ. కాంగ్రెస్‌కు ఓటు వేసి గెలిపించాలి. కేసీఆర్ ఆరోగ్యం బాగాలేదన్న వార్తలొస్తున్నాయి. ఎన్టీఆర్, చంద్రబాబు హాయాంలోనే మాదిగలకు న్యాయం జరిగింది. కేసీఆర్ ప్రభుత్వంలో ఒక్క పథకం కూడా సక్రమంగా అమలు కావటం లేదు. వంద శాతం రుణ మాఫీ చేయడంలో కేసీఆర్ సర్కార్ విఫలం. కేసీఆర్‌కు పదేళ్లు అవకాశమిచ్చారు. ఇక చాలు. దొంగలను కేసీఆర్ ఊర్ల మీదకు పంపారు. బీఆర్ఎస్ అభ్యర్థులు ఇప్పటికే రూ.30 కోట్లు ఖర్చు చేశారు.’’ అని మోత్కుపల్లి ఆరోపించారు.